លោកប្រាជ្ញ សីហា អភិបាលរងខណ្ឌឫស្សីកែវដឹកនាំកម្លាំងចុះធ្វើអនាម័យ.បរិស្ថានក្នុងមូលដ្ឋាន

ភ្នំពេញ៖កាលពីថ្ងៃទី១២ ខែវិច្ឆិកា ឆ្នាំ២០២៤នេះលោក ប្រាជ្ញ សីហា អភិបាលរងខណ្ឌឫស្សីកែវតំណាងលោកជិន ប៊ុនធឿនអភិបាលខណ្ឌបានធ្វើជាអធិបតីក្នុងកម្មវិធី អបអរសាទរទិវាអនាម័យបរិស្ថានជាតិ ក្រោមប្រធានបទ”ភូមិឋានស្អាត បរិស្ថានបៃតង សង្គមចីរភាព” ។
ពិធីនោះក៏មានការអញ្ជើញចូលរួមពីគណ:អភិបាល គណ:នាយក ការិយាល័យចំណុះរចនាសម្ព័ន្ធខណ្ឌទាំង១១ សមាគមន៍ សន្តិភាព ដើម្បីអភិវឌ្ឍន៍ យុវជនសសយក សង្កាត់ទាំង៧ ភូមិ កងកំលាំងប្រដាប់អាវុធ ប្រជាការពារខណ្ឌ តំណាងមន្ទីរបរិស្ថានរាជធានីភ្នំពេញ កីឡាករអុំទូកសម្រែករាជសីហ៍ និងក្រុមហ៊ុនគ្រប់គ្រងសំរាម ៨០០ ស៊ុបពើ ប្រចាំខណ្ឌឫស្សីកែវ មានចំនួនប្រមាណ ៣៧៥នាក់ ស្រ្តី១២៥នាក់។
លោកប្រាជ្ញ សីហា អភិបាលរងខណ្ឌប្ញស្សីកែវលើកឡើងថាការប្រារពពីធីនេះក្នុងគោលបំណងលើកកម្ពស់ការអប់រំ ផ្សព្វផ្សាយ និងជម្រុញចលនាពីប្រជាពលរដ្ឋ និងអ្នកពាក់ព័ន្ធទាំងអស់ ឱ្យចូលរួមធ្វើអនាម័យកែសម្អរនូវសោភ័ណភាពទីក្រុង ទីប្រជុំជន . ជនបទ វត្តអារាម សាលារៀន មន្ទីពេទ្យ រោងចក្រ សហគ្រាសនានានិងទីផ្សារ មជ្ឈមណ្ឌលសេដ្ឋកិច្ច សំដៅរួមចំណែកកសាងសង្គមកម្ពុជាឱ្យមានបរិស្ថានល្អស្អាត និងភាពស្រស់បំព្រងជានិច្ច។
លោកប្រាជ្ញ សីហា អភិបាលរងខណ្ឌឫស្សីកែវបានថាទីក្រុងស្អាតគឺផ្ដើមចេញពីយើងទាំងអស់គ្នារួមដៃគ្នាធ្វើការសម្អាតរាល់ថ្ងៃពោលគឺសំរាមមិនឱ្យមានពាសវាលពាសកាលទើបទីក្រុងភ្នំពេញកាន់តែស្អាតមានសោភណ្ឌភាពស្រស់បំព្រងបន្ថែមទៀត។