អភិបាលខណ្ឌប្ញស្សីកែវ ដឹកនាំមន្ត្រីជំនាញ ចុះរៀបចំសណ្តាប់ធ្នាប់របៀបរៀបរយ និងពិនិត្យសោភ័ណភាព អនាម័យ នៅទីតាំងចំណតរថយន្តក្រុង

ភ្នំពេញ៖រដ្ឋបាលខណ្ឌប្ញស្សីកែវដោយអនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃព្រះរាជាណាចក្រកម្ពុជា និងការណែនាំពី ឯកឧត្តម ឃួង ស្រេង អភិបាលរាជធានីភ្នំពេញ នាព្រឹកថ្ងៃសុក្រ ទី០៤ ខែមេសាឆ្នាំ២០២៥នេះ លោក ជិន ប៊ុនធឿន អភិបាលខណ្ឌប្ញស្សីកែវ បានដឹកនាំមន្ត្រីជំនាញ ចុះរៀបចំសណ្តាប់ធ្នាប់របៀបរៀបរយ និងពិនិត្យសោភ័ណភាព អនាម័យ នៅទីតាំងចំណតរថយន្តក្រុង ដែលរៀបចំដោយរដ្ឋបាលសាលារាជធានីភ្នំពេញ សម្រាប់ត្រៀមបម្រើសេវាដឹកជញ្ជូនសាធារណៈដោយមិនបង់ប្រាក់រយៈពេល០៦ថ្ងៃ ចាប់ពីថ្ងៃទី១២ ដល់ ថ្ងៃទី១៧ ខែមេសា ឆ្នាំ២០២៥ ។
លោកអភិបាលខណ្ឌប្ញស្សីកែវបានបញ្ជាក់ថា៖រដ្ឋបាលសាលារាជធានីភ្នំពេញ ត្រៀមប្រើប្រាស់រថយន្តចំនួន៤៩៧គ្រឿង ដើម្បីបម្រើសេវាដឹកជញ្ជូនសាធារណៈជួយសម្រួលដល់ការចំណាយរបស់បងប្អូនប្រជាពលរដ្ឋទាំងអស់ក្នុងការធ្វើដំណើរទៅលេងស្រុកកំណើត ជួបជុំបងប្អូនក្រុមគ្រួសារ និងទៅកម្សាន្តសប្បាយសង្ក្រាន្តឆ្នាំថ្មី នៅតាមបណ្តាខេត្តនានា ក្នុងឱកាសអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ នាពេលខាងមុខនេះ៕