កសិករនៅស្រុកត្រាំកក់ ខេត្តតាកែវ ចាប់ផ្ដើម ប្រមូលផល ស្រូវ វស្សារជាលក្ខណៈប្រពៃណី
តាកែវ ៖ ប្រជាកសិករ រស់នៅភូមិខ្លាគ្រហ៊ឹម និងភូមិអង់គរគី ឃុំតាភេម ស្រុកត្រាំកក់ ខេត្តតាកែវ ចាប់ផ្ដើមចុះច្រូតកាត់ផលស្រូវវស្សារហើយ បន្ទាប់ពីទន្ទឹងរង់ចាំអស់រយៈពេលជាច្រើនខែកន្លងមក ។
ជាក់ស្ដែងគ្រួសារលោកយាយ ឡុង សារុន មានអាយុ៧៨ឆ្នាំ រស់នៅភូមិខ្លាគ្រហ៊ឹម ដែលបានកាន់កាប់ អាស្រ័យផលដីស្រែ ឈ្មោះ អៀង កុយ (ស្លាប់) តាំងពីចាប់តាំងពីឆ្នាំ១៩៩០ បើគិតមកដល់ពេលនេះ មានរយៈពេល២៨ឆ្នាំមកហើយ មាន ការទទួលស្គាល់ដឹងលឺពី អាជ្ញាធរភូមិ-ឃុំ ប្រជាពលរដ្ឋ និងបង្កាន់ដៃពីការិយាល័យ កសិកម្មស្រុក ស្នើសុំកាន់កាប់ បានចាប់ផ្ដើមចុះច្រូតកាត់ និងប្រមូលផលស្រូវវស្សារជាបណ្ដើរៗហើយ ដោយប្រកាន់ខ្ជាប់លក្ខណៈប្រពៃណី។
សម្រាប់លោក អ៊ុ សុភាព មេភូមិខ្លាគ្រហ៊ឹម បានលើកឡើងថា៖ ប្រជារស់នៅភូមិខ្លាគ្រហ៊ឹម សត្វថ្ងៃរស់នៅមានចំនួន១៤៣ គ្រួសារ ប្រកបមុខរបរធ្វើស្រែចំការ លក់ដូរ និងកម្មកររោងចក្រ កម្រិតជីវភាពគ្រួសារបច្ចុប្បន្នល្អប្រសើរជាងមុន ដោយសារមានកូនចៅធ្វើការរោងចក្រ ។
លោកមេភូមិខ្លាគ្រហ៊ឹម បានបន្ថែមថា ៖ គ្រួសារ លោក យាយ ឡុង សារុន មកកាន់កាប់អាស្រ័យផលលើដីស្រែ ឈ្មោះ អៀង កុយ(ស្លាប់) មុនរូបខ្ញុំ ឡើងធ្វើជាមេភូមិខ្លាគ្រហ៊ឹមមកទៀត ។ប៉ុន្ដែលោកយាយ មិនមែនជាអ្នកភូមិខ្លាគ្រហ៊ឹមនោះទេ លោកយាយ ជាអ្នកភូមិអង់គរគី ។ លោក មេភូមិ បន្ដថា ប្រជាពលរដ្ឋ នៅភូមិខ្លាគ្រហ៊ឹម ធ្វើស្រែមួយឆ្នាំបានតែម្ដង លើប្រភេទស្រូវ គង់សរ, ស្រូវក្រហម ម្លាក់សន្លឹក និងស្រាលធម្មតា ។
សូមបញ្ជាក់ថា៖ ប្រជាពលរដ្ឋ នៅស្រុកត្រាំកក់ នៅតំបន់ខ្លះ មានប្រឡាយទឹក ផ្ដល់គ្រប់គ្រាន់ មួយឆ្នាំ កសិករធ្វើស្រែបាន៣ដង តែតំបន់ខ្លះមិនទាន់មានប្រភពទឹកគ្រប់គ្រាន់ ដោយពឹងផ្អែកទៅលើទឹកភ្លៀងធម្មជាតិ មួយឆ្នាំធ្វើស្រែបានតែម្ដង។ ដោយឡែកប្រជាពលរដ្ឋរស់នៅក្នុងឃុំតាភេម មិនទាន់បានទទួលប័ណ្ណកម្មសិទ្ធិដីធ្លីស្របច្បាប់ពីមន្ត្រីជំនាញសុរិយោដីនៅឡើយទេ៕
