ក្រសួងធនធានទឹក នឹងឧតុនិយម បានប្រកាសថាអាកាសធាតុនឹងចុះត្រជាក់១៧-១៩អង្សាសេ ចាប់ពីថ្ងៃ២៥-២៧ មករានេះ
ភ្នំពេញ៖ ដូចដែលបងប្អូនបានជ្រាបរួចមកហើយថា ប្រទេសកម្ពុជា គឺជាប្រទេសដែលមានរដូវធំពីរ គឺរដូវប្រាំង និងរដូវវស្សា ប៉ុន្តែមកដល់សព្វថ្ងៃនេះ ចំពោះអាកាស ធាតុ ហាក់បីជាមានភាពប្រែប្រួលជាញឹកញាប់ និងមិនមានភាពប្រក្រតីនោះឡេីយ ដែលអាចបង្កឲ្យយើងរងនូវភាពប៉ះពាល់ ក៏ដូចជាប៉ះពាល់ទៅដល់សុខភាពផងដែរ ។
យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម ស្តីពី ការចុះត្រជាក់លើកទី២ សូមបងប្អូនប្រជាពលរដ្ឋ ពិសេសវីរ កងទ័ព ដែលឈរជើង នៅតំបន់ជួរភ្នំដងរែក និងខ្ពង់រាបភាគឦសាន ប្រុងប្រយ័ត្ន ចំពោះការចុះត្រជាក់នេះ ។
បន្ទាប់ពីបាន តាមដានលើស្ថានភាព អាកាសធាតុរួចមកឃើញថា៖ នៅថ្ងៃទី ២៤-២៧ ខែមករា ឆ្នាំ២០១៩ ជ្រលងសម្ពាធខ្ពស់ នឹងបង្កើនឥទ្ធិពលខ្លាំង មកលើ ព្រះរាជាណាចក្រកម្ពុជា។ លក្ខណៈបែបនេះ នឹងបង្កធាតុអាកាស ព្រះរាជាណាចក្រ កម្ពុជា ចុះត្រជាក់ម្តងទៀត ចាប់ពីថ្ងៃទី ២៥-២៧ ខែមករា ។
ជាពិេសស នៅតំបន់ជួរភ្នំ ខេត្តមណ្ឌលគិរី ខេត្តព្រះវិហារ ដែលមានសីតុណ្ហភាព អប្បបរមា អាចនឹងធ្លាក់ចុះ មកនៅ ក្នុងរង្វង់ ១៧-១៩ អង្សាសេ។ អាស្រ័យដូច បានជម្រាបខាងលើ សូមប្រជាពលរដ្ឋ ជាពិសេស វីរកងទ័ព ដែលឈរជើង នៅតំបន់ជួរភ្នំដងរែក នៅខ្ពង់រាបនភាគឥសាន ប្រុងប្រយ័ត្ន ចំពោះអាកាសធាតុ ដែលចុះត្រជាក់នេះ ៕
