ផ្លូវជាច្រើនខ្សែនៅក្នុងមូលដ្ឋានខណ្ឌទួលគោក រដ្ឋបាលរាជធានីភ្នំពេញ បាននឹងកំពុងធ្វើសកម្មភាពជួលជុលនិងអ៊ុតកៅស៊ូACទាំងយប់ទាំងថ្ងៃ
ភ្នំពេញ៖ ដើម្បីសម្រួលការធ្វើចរាចរណ៍របស់បងប្អូនប្រជាពលរដ្ឋនិងដើម្បីជាកាេលើកសោភ័ណ្ឌភាពរាជធានីភ្នំពេញ អោយកាន់តែមានសម្រស់ស្រស់ស្អាតសមជាទីក្រុងដែលជាបេះដូងនៃព្រះរាជាណាចក្រកម្ពុជា រដ្ឋបាលរាជធានីភ្នំពេញបាននឹងកំពុងធ្វើសកម្មភាពជួលជុលនិងអ៊ុតកៅស៊ូACទាំងយប់ទាំងថ្ងៃ។ ជាក់ស្តែងគិតមកដល់ថ្ងៃទី១៦ មករា ២០១៩នេះ សម្រាប់ខណ្ឌទួលគោក រដ្ឋបាលរាជធានីភ្នំពេញបាននឹងកំពុងធ្វើសកម្មភាពជួលជុល ថែទាំនិងអ៊ុតកៅស៊ូបានជាង១០ខ្សែហើយ។
លោក ចាន់បណ្ឌិត អភិបាលរងខណ្ឌទួលគោកបានអោយដឹងថា សម្រាប់ខណ្ឌទួលគោក ក្រោមការណែនាំពីលោកឃួង ស្រេងអភិបាលរាជធានីភ្នំពេញយើងបាននឹងកំពុងជួលជុល ថែទាំនិងអ៊ុតកៅស៊ូបានជាង១០ខ្សែហើយ ក្នុងនោះរួមមាន ផ្លូវលេខ ៥៨៨ ចាប់ពីផ្លូវលេខ៣០៧ ដល់ផ្លូវលេខ៣៦៣ ។ផ្លូវលេខ ៦១៨ ចាប់ពីផ្លូវលេខ២៨៧ ដល់ផ្លូវលេខ៦០៨ ស្ថិតក្នុងសង្កាត់បឹងកក់ទី២ ខណ្ឌទួលគោក ។ ផ្លូវលេខ ២១៩ ចាប់ពីផ្លូវលេខ១៨២ដល់ផ្លូវលេខ២៣០ ស្ថិតក្នុងសង្កាត់ផ្សារដើមគរជាប់សង្កាត់ដេប៉ូ១ខណ្ឌទួលគោក ។
។ ផ្លូវលេខ ២០៦ ចាប់ពីផ្លូវលេខ២១៥ដល់ផ្លូវទល់។ ផ្លូវលេខ ២០៤ ចាប់ពីផ្លូវលេខ២៥៣ដល់ផ្លូវលេខ២៦៥។ ផ្លូវលេខ១៩២ ចាប់ពីផ្លូវលេខ២៤៩ដល់ផ្លូវលេខ២៦៥។ ផ្លូវលេខ ២៥៥ ចាប់ពីផ្លូវលេខ៣៣៦ដល់ផ្លូវលេខ២៧១ ស្ថិតក្នុងសង្កាត់ទឹកល្អក់ទី៣ ខណ្ឌទួលគោក ។ ចំណែកសកម្មភាពជួលជុលក្រលុកសំបុកមាន់វិញ មានដូចជា ផ្លូវលេខ១៣៨ ចាប់ពីផ្លូវលេខ២៥៣ដល់ផ្លូវលេខ២១៥។
ផ្លូវលេខ១៤៦ ចាប់ពីផ្លូវលេខ២១៥ដល់ផ្លូវលេខ២៦៥។ផ្លូវលេខ១៥០ ចាប់ពីផ្លូវលេខ២១៥ដល់ផ្លូវលេខ២៦៥ ស្ថិតក្នុងសង្កាត់ទឹកល្អក់ទី៣ ខណ្ឌទួលគោក និង ផ្លូវលេខ៥៥២ ចាប់ពីផ្លូវលេខ២៩១ដល់ផ្លូវលេខ៣១៣ស្ថិតក្នុងសង្កាត់បឹងកក់ទី២ ខណ្ឌទួលគោក ។
លោកបានញ្ជាក់ទៀតថា ដោយសារការដឹកជញ្ជូន សម្ភារៈបម្រើអោយការអភិវឌ្ឍន៍វិស័យសំណង់ធ្ងន់ៗក្នុងទីក្រុង និងដោយផ្លូវដល់អាយុកាលនៃការប្រើប្រាស់ ទើបបណ្តាលអោយ កំណាត់ផ្លូវក្នុងក្រុងមួយចំនួនបានទទួលរងការខូចខាត ។ ដូច្នេះហើយទើបរដ្ឋបាលរាជធានីភ្នំពេញធ្វើសកម្មភាពជួសជុលគ្រឹះថ្នល់ខូច និងអ៊ុតកៅស៊ូ AC នៅកំណាត់ផ្លូវមួយចំនួនដោយភាពជាក់ស្តែង។
ជុំវិញការជួលជុលនិងអ៊ុតកៅស៊ូខាងលើនេះ លោកចាន់ បណ្ឌិត បានសំណូមពរអោយបងប្អូនប្រជាពលរដ្ឋដែលមានលំនៅដ្ឋាន នៅអមសងខាងផ្លូវដែលត្រូវជួសជុល អ៊ុតកៅស៊ូនេះមេត្តាចូលរួមសហការជាមួយក្រមការងារ ដូចជាចូលរួមរៀបចំមុខផ្ទះរបស់ខ្លួនអោយបានស្អាត មានបរិស្ថានល្អ និងកុំចាក់ទឹកហូរទៅលើទ្រូងផ្លូវជាដើម៕