ស្នងការដ្ឋាននគរបាលរាជធានីភ្នំពេញ ត្រូវបេីកទូលាយអោយពលរដ្ឋរាយការណ៍ នៅក្នុងផេកហ្វេកបុកផ្លូវការ ដេីម្បីបន្តដោះស្រាយជួយ ដោះស្រាយបញ្ហាប្រឈមជូនពលរដ្ឋ
ភ្នំពេញ:លោក នាយឧត្តមសេនីយ៍ សន្តិបណ្ឌិត នេត សាវឿន និងលោក ឃួង ស្រេង អភិបាលនៃគណ:អភិបាលរាជធានីភ្នំពេញ អញ្ជេីញជាអធិបតី ក្នុងពិធីបិទសន្និបាតបូកសរុបសភាពការណ៍ កិច្ចប្រតិបត្តិការ រក្សាសន្តិសុខសណ្តាប់ធ្នាប់សង្គម រាជធានីភ្នំពេញ២០១៨ និងផ្សព្វផ្សាយទិសដៅការងារឆ្នាំ២០១៩របស់អគ្គស្នងការនគរបាលជាតិ។
កក្នុងឱកាសនោះដែរលោក នាយឧត្តមសេនីយ៍ សន្តិបណ្ឌិត នេត សាវឿន បានមានប្រសាសន៍សំខាន់ៗដូចខាងក្រោម:
– ការបង្រ្កាបគ្រឿងញៀន សមត្ថកិច្ចជំនាញគ្រឿងញៀន កុំរាយការណ៍ថាទីតាំងនេះទីនោះសង្ស័យថាមានការប្រេីប្រាស់ និងចែកចាយគ្រឿងញៀន ត្រូវប្រមូលភស្តុតាងអោយបានគ្រប់គ្រាន់ ហេីយសុំគោលការណ៍ពីថ្នាក់លេី បង្រ្កាបតែម្តង។
– បេជ្ញារួមគ្នាពង្រួមទីផ្សារគ្រឿងញៀនចូលមកកម្ពុជា និងពង្រីកការបង្រ្កាប
-មន្រ្តីនគរបាលទាំងអស់ ត្រូវធ្វេីជាគំរូដល់ពលរដ្ឋរឿងពាក់មួក
-អំពាវនាវគ្រប់ខណ្ឌជួយដោះស្រាយបញ្ហាកកស្ទះចរាចរណ៍
-នឹងសង់ប៉ុស្តិ៍សម្រាប់ប៉ូលីសចរាចរណ៍ដេីម្បីបម្រេីពលរដ្ឋ២៤ម៉ោងលេី២៤ម៉ោង
-ប៉ូលីសចរាចរណ៍ បានប្រឹងប្រែងច្រេីនហេីយ តែត្រូវកែប្រែឥរិយាបថមិនល្អមួយចំនួន
-ពង្រីកសមត្ថភាពខាងអគ្គីភ័យអាចបាញ់ពន្លត់កាន់តែខ្ពស់
-ពេលមានអគ្គីភ័យ ត្រូវឡេីងផែនទីអោយច្បាស់ ដេីម្បីទៅយកទឹកអោយបានលឿន ក្នុងការពន្លត់ទាន់ពេល
-ត្រូវគោរពគោលនយោបាយរបស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា
-ការត្រួតពិនិត្យអាវុធជាតិផ្ទុះ ត្រូវបង្កេីនសមត្ថភាព ហេីយអាវុធដែលមន្រ្តីនគរបាលប្រេី ត្រូវបញ្ចូលទិន្នន័យទៅក្នុងកុំព្យូទ័រ
-ត្រូវបង្កេីនទប់ស្កាត់ការលួចឆក់ជនបរទេស ត្រូវបន្ថែមកម្លាំងទៅតំបន់នោះ
-ស្នងការដ្ឋាននគរបាលរាជធានីភ្នំពេញ ត្រូវបេីកទូលាយអោយពលរដ្ឋរាយការណ៍នៅក្នុងផេកហ្វេកបុកផ្លូវការ ដេីម្បីបន្តដោះស្រាយជួយដោះស្រាយបញ្ហាប្រឈមជូនពលរដ្ឋ
-ស្នងការដ្ឋាននគរបាលរាជធានីភ្នំពេញត្រូវបង្កេីតក្រុមមួយដេីម្បីស្រាវជ្រាវមន្រ្តីនគរបាលធ្វេីល្អ ផ្តល់ការលេីកទឹកចិត្ត៕