២ចំនុច ដែលអភិបាលខេត្តកំពង់ចាម ជំរុញឲ្យអភិបាលស្រុកកោះសូទិនថ្មី អនុវត្តការងារជូនប្រជាពលរដ្ឋ
កំពង់ចាម៖ អភិបាលខេត្តកំពង់ចាមលោក គួច ចំរើនជំរុញឲ្យអភិបាលស្រុកកោះសូទិនទើបឡើងថ្មី អនុវត្តការងារជូនប្រជាពលរដ្ឋចំនួន២ចំនុចនោះ ការត្រូវពង្រឹងសុវត្ថិភាព សណ្តាប់ធ្នាប់ និងខិតខំបម្រេីសេវាសាធារណ:ជូនដល់ប្្រជាពលរដ្ឋតាមមូលដ្ឋានឲ្យមានប្រសិទ្ធិភាពខ្ពស់។ ការេះម្រុញបែបនេះរបស់លោកអភិបាលខេត្តបានធ្វើឡើងកាលពីរសៀល ថ្ងៃទី២៨ ខែកុម្ភៈ ឆ្នាំ២០១៩នេះ ក្នុងឱកាសដែលលោក បានអញ្ជេីញចូលរួមពិធីប្រកាសតែងតាំងចូលកាន់មុខតំណែងអភិបាលនៃគណៈអភិបាលស្រុកកោះសូទិន ដោយ លោក យី វណ្ណៈ ជាអភិបាលរងស្រុកកំពង់សៀម ត្រូវបានប្រកាសតែងតាំងជាអភិបាលនៃគណៈអភិបាលស្រុកកោះសូទិន ជំនួសលោក ផេន សុផល ដែលត្រូវផ្ទេរភារកិច្ចទៅកាន់មុខតំណែងជាអភិបាលស្រុកបាធាយវិញ។
លោក គួច ចំរើន អភិបាលខេត្តកំពង់ចាម បានជម្រុញឲ្យអាជ្ញាធរ និងជាពិសេសលោកអភិបាលស្រុុកទេីបតែឡេីងថ្មី ពីរចំនុចដែលត្រូវអនុវត្ត ក្នុងនោះរួមមាន៖ ទី១ ត្រូវពង្រឹងសុវត្ថិភាព សណ្តាប់ធ្នាប់ តាមក្នុងឃុំទាំងអស់ក្នុងស្រុកកោះសូទិន ធ្វេីយ៉ាងណាអនុវត្តន៍គោលនយោបាយរបស់រាជរដ្ឋាភិបាល ឲ្យតាមភូមិឃុំមានសុវត្ថិភាព ក្រោមដំបូងសុខសន្តិភាព សុវត្ថិភាព ជូនបងប្អូនប្រជាពលរដ្ឋ។
ចំនុចទី២ ស្នេីរដល់លោកអភិបាលស្រុកកោះសូទិនថ្មី ត្រូវធ្វេីយ៉ាងណាដឹកនាំមន្ត្រីរាជការខិតខំបម្រេីសេវាសាធារណ:ដល់ប្រជាពលរដ្ឋតាមមូលដ្ឋានឲ្យមានប្រសិទ្ធិភាព តាមតម្រូវការចាំបាច់របស់បងប្អូនប្រជាពលរដ្ឋមានភាពល្អប្រសេីរឡេីង៕