សម្តេចក្រឡាហោម អំពាវនាវ ឲ្យប្រជាពលរដ្ឋទាំងអស់ ចូលរួមជំរឿនទូទៅទូទាងប្រទេស
ភ្នំពេញ: ការធ្វេីជំរឿន លេីកទី៣ នៅក្នុងប្រវត្តិសាស្ត្រកម្ពុជា ដែលជាទូទៅធ្វេីឡេីងរៀងរាល់ ១០ឆ្នាំ ម្ដង ដេីម្បីទទួលបានទិន្នន័យប្រជាសាស្ត្រ ជាក់លាក់ សម្រាប់ ប្រេីប្រាស់ រៀបចំតាក់តែងគោលនយោបាយឲ្យបានត្រឹមត្រូវ។
សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ បានមានប្រសាសន៍ថា ក្នុងនាមជាប្រធានគណៈកម្មាធិការជាតិ ជំរឿនទូទៅ ប្រជាជននៃព្រះរាជាណាចក្រកម្ពុជា ខ្ញុំសូមជម្រាបជូនថា ជំរឿនទូទៅប្រជាជន នៅទូទាំងប្រទេស នឹងប្រព្រឹត្តទៅចាប់ ពីថ្ងៃទី ០៣ ដល់ ១៣ ខែមីនា ឆ្នាំ២០១៩ នាពេលឆាប់ៗខាងមុខ ។
នេះជាការធ្វេីជំរឿន លេីកទី៣ នៅក្នុងប្រវត្តិសាស្ត្រកម្ពុជា ដែលជាទូទៅធ្វេីឡេីងរៀងរាល់ ១០ឆ្នាំ ម្ដង ដេីម្បីទទួលបានទិន្នន័យប្រជាសាស្ត្រ ជាក់លាក់ សម្រាប់ ប្រេីប្រាស់ រៀបចំតាក់តែងគោលនយោបាយឲ្យបានត្រឹមត្រូវ និងដេីម្បីធ្វេីជាសូចនាករក្នុងការតាមដានត្រួតពិនិត្យ ផែនការយុទ្ធសាស្ត្រអភិវឌ្ឍន៍ ជាតិ និងគោលដៅអភិវឌ្ឍន៍ប្រកបដោយ ចីរភាព របស់កម្ពុជា ២០១៦-២០៣០ ដោយមិនទុកឲ្យនរណាម្នាក់ឯកោឡេីយ ។
សម្តេចក្រឡាហោម បានបន្ថែមទៀតថា ” ក្នុងន័យនេះ ខ្ញុំសូមធ្វេីការអំពាវនាវដល់ប្រជាជន ទូទាំងប្រទេស សូមគាំទ្រ និងចូលរួមក្នុងកិច្ចការដ៏ មានសារៈសំខាន់ ឲ្យបានគ្រប់ ៗគ្នា ប្រកប ដោយក្ដីស្មោះស្ម័គ្រ ក្នុងការផ្ដល់ព័ត៌មានតាមការសម្ភាសន៍ឲ្យបានគ្រប់គ្រាន់ ត្រឹមត្រូវ និងសោះត្រង់ ជូនដល់មន្ត្រី ជំរឿន ដេីម្បីជាប្រយោជន៍របស់បងប្អូន ជនរួមជាតិ និងដេីម្បីអនាគតដ៏សម្បូរណ៍ សប្បាយនៃប្រទេសជាតិរបស់យេីង “។
សម្ដេចក្រឡាហោមបានមានប្រសាសន៍ថា” ក្រោយការអំពាវនាវរបស់ខ្ញុំ ដើម្បីឲ្យប្រជាពលរដ្ឋទាំងអស់ចូលរួមជំរឿនទូទៅទូទាំងប្រទេស ដែល នឹង ប្រព្រឹត្តទៅចាប់ពីថ្ងៃទី៣ ដល់ ថ្ងៃទី១៣ ខែមីនា ឆ្នាំ២០១៩ ខាងមុចនេះ ខ្ញុំបានសង្កេតឃើញ និង បានទទួលចម្ងល់ ក៏ដូចជាសំណួរមួយចំនួនទាក់ទង បញ្ហានេះដែលខ្ញុំសុំធ្វើការបកស្រាយបំភ្លឺដូចតទៅ៖
១- ចំពោះចម្ងល់ដែលបានលើកឡើងថាតើប្រជាពលរដ្ឋខ្មែរដែលកំពុងរស់នៅក្រៅប្រទេស ជា ពិសេស បងប្អូនដែលកំពុងធ្វើការ នៅក្រៅប្រទេសតើត្រូវឲ្យត្រឡប់ចូលមកប្រទេសដើម្បីធ្វើជំរឿនឬយ៉ាងណា? បញ្ហានេះខ្ញុំមានសេចក្តីសោមនស្សរីករាយសូមប្រកាសជម្រាបជូនបងប្អូនប្រជាពលរដ្ឋខ្មែរទាំងអស់ឲ្យបានជ្រាបថា៖ បងប្អូនដែលកំពុងធ្វើការនៅក្រៅប្រទេសគឺមិនតម្រូវឲ្យត្រឡប់ចូល ប្រទេស នោះទេ គឺអ្នកបច្ចេកទេសធ្វើជំរឿន បានសហការជាមួយក្រសួងការបរទេស និងសហប្រតិបត្តិការអន្តរជាតិ ដោយមានរៀបចំឯកសារសម្រាប់ភ្នាក់ងារតាមប្រទេសនានាដើម្បីធ្វើជំរឿនប្រជា ពលរដ្ឋ ខ្មែរដែលកំពុងរស់នៅបណ្តាប្រទេសទាំងនោះ ។ ដូច្នេះបងប្អូនជនរួមជាតិខ្មែរដែលកំពុងរស់នៅក្រៅប្រទេសសូមចូលរួមជាមួយភ្នាក់ងារជំរឿន ដើម្បីឲ្យការធ្វើជំរឿនមានភាពត្រឹមត្រូវនិងទទួលលទ្ធផលយកជាការបាន ។
២- ចំពោះចម្ងល់ទាក់ទងនឹងជនបរទេសជាអន្តោប្រវេសន៍ និង មិនមែនអន្តោប្រវេសន៍ដែលកំពុងរស់នៅក្នុងប្រទេសកម្ពុជា? បញ្ហានេះខ្ញុំសូមជម្រាបជូនបងប្អូនជនរួមជាតិថា៖ ការធ្វើជំរឿននេះ ក្រុមបច្ចេកទេសរបស់យើងបានត្រៀមឯកសារសំណួរ ឲ្យយើងដឹងកាន់តែច្បាស់ អំពីបរិមាណជនបរទេសទាំងអស់ គ្រប់សញ្ជាតិ ដែលកំពុងរស់នៅលើទឹកដីកម្ពុជា” ។
សម្តេចក្រឡាហោមបានបន្ថែមថា ជាថ្មីម្តងទៀតខ្ញុំ សូមធ្វើការអំពាវនាវដល់ប្រជាជន ទូទាំងប្រទេស សូមគាំទ្រ និងចូលរួមក្នុងកិច្ចការដ៏ មានសារសំខាន់ ឲ្យបានគ្រប់ ៗគ្នា ប្រកប ដោយក្ដីស្មោះត្រង់ ក្នុងការផ្ដល់ព័ត៌មានតាមការសម្ភាសន៍ឲ្យបានគ្រប់គ្រាន់ ត្រឹមត្រូវ ជូនដល់មន្ត្រី ជំរឿន ដើម្បីជាប្រយោជន៍របស់បងប្អូន ជនរួមជាតិ និងដើម្បីជាផលប្រយោជន៍នៃប្រទេសជាតិយើង ៕