បុរសម្នាក់បែកថ្នាំ បានវាយបំផ្លាញទ្រព្យសម្បត្តិអ្នកដ៏ទៃ និងបំរុងដុតរថយន្តអ្នកដ៏ទៃចោល
កោះកុង៖ ស្នងការដ្ឋាននគរបាលខេត្តកោះកុង បានឲ្យដឹងថា ករណីនេះ បានកើតឡើង នៅវេលាម៉ោង ១យប់ នាថ្ងៃទី ២៧ ខែសីហាឆ្នាំ២០១៩ នៅចំណុចភូមិចាំយាម ឃុំប៉ាក់ខ្លង ស្រុកមណ្ឌលសីមា ។ ជនសង្ស័យម្នាក់បានវាយបំផ្លាញទ្រព្យសម្បត្តិរបស់អ្នកដទៃ ដោយវាយរថយន្ត និងបម្រុងធ្វើសកម្មភាពដុតចោល តែត្រូវសមត្ថកិច្ចស្រុកមណ្ឌលសីមា បានធ្វើការឃាត់ខ្លួនទាន់ពេល ។
ជនសង្ស័យមានឈ្មោះ នឹត ខេមរិន្ទ ភេទប្រុស អាយុ ៣៨ ឆ្នាំ មានទីលំនៅភូមិ/ឃុំកើតហេតុខាងលើ (ធ្វើតេស្តទឹកនោម មានប្រើប្រាស់សារធាតុញៀន) បានវាយកម្ទេចរថយន្តរបស់ប្រជាពលរដ្ឋឈ្មោះ ម៉េង ហ៊ួរ ភេទប្រុស អាយុ ៣១ ឆ្នាំ មានទីលំនៅភូមិ/ឃុំកើតហេតុខាងលើ បណ្តាលខូចខាតស្រាល ។
បច្ចុប្បន្ន ករណីនេះ កម្លាំងជំនាញយើងរៀបចំសំណុំរឿង ចាត់ការតាមនីតិវិធីច្បាប់៕
