ជាង១៣០នាក់ ចូលរួមប្រដាល់គុនខ្មែរ ជើងឯកថ្នាក់ជាតិប្រចាំឆ្នាំ២០១៩
ភ្នំពេញ៖ការប្រកួតប្រដាល់គុនខ្មែរជើងឯកជាតិឆ្នាំ២០១៩នឹងចាប់ផ្ដើមពីថ្ងៃទី៧ នឹងត្រូវបញ្ចប់នៅថ្ងៃទី១១តុលានា សប្ដាហ៍ក្រោយនេះហើយ ។
ប៉ុន្មានឆ្នាំការប្រកួតត្រូវបានធ្វើនៅតំបន់7NGនាឃុំវិហារសួគ៌ ។សម្រាប់នេះការប្រកួតគ្រោងនឹងធ្វើនៅពហុកីឡដ្ឋានជាតិតែតាមការសម្រេចក្នុងអង្គប្រជុំនាថ្ងៃទី៣០កញ្ញាការប្រកួតត្រូវបានប្ដូរមកធ្វើនៅមជ្ឈមណ្ឌលកីឡាកងយោធពលខេមរភូមិន្ទ(ស្ដាតចាស់)វិញ ។
លោកឩតមត្តសេនីយ៍ឯកតែម ម៉ឺនប្រធានសហព័ន្ធប្រដាល់គុនខ្មែរបានមានប្រសាសន៍ថាការប្រកួតកីឡាប្រដាល់គុនខ្មែរជ្រើសរើសជើងឯកថ្នាក់ជាតិប្រចាំឆ្នាំនេះ មាន១៥សមាគម ក្រសួង រាជធានី ខេត្តចូលរួមដែលមានកីឡាករ-កីឡាការិនីប្រមាណ១៣០ជាងនាក់ ។ សម្រាប់បុរសមានចំនួន៨ប្រភេទទម្ងន់គឺ ៤៨គីឡូក្រាម ៥១គីឡូក្រាម ៥៤គីឡូក្រាម ៥៧គីឡូក្រាម ៦០គីឡូក្រាម ៦៣.៥គីឡូក្រាម ៦៧គីឡូក្រាម និង៧១គីឡូក្រាម ។
សម្រាប់កីឡាការិនីមានតែ៦ប្រភេទទម្ងន់ប៉ុណ្ណោះគឺទម្ងន់៤៨គីឡូក្រាម ៥១គីឡូក្រាម ៥៤គីឡូក្រាម ៥៧គីឡូក្រាម ៦០គីឡូក្រាម និង ៦៣,៥០គីឡូក្រាម ។
រៀងរាល់ឆ្នាំសហព័ន្ធ២គឺប្រដាល់គុនខ្មែរ និងសហព័ន្ធកីឡាប្រដាល់សាកលតែងតែប្រកួតក្នុងពេលជាមួយគ្នាតែឆ្នាំនេះគឺជាឆ្នាំដំបូងហើយដែលប្រដាល់គុនខ្មែរធ្វើតែម្នាក់ឯងដោយមិនមានប្រដាល់សាកល ។
