ផ្ទះតូចមួយ របស់មេភូមិ៦ ត្រូវភ្លើងឆេះខ្ទេច
រាជធានីភ្នំពេញ ៖ នាយកដ្ឋាននគរបាលបង្ការ ពន្លត់អគ្គីភ័យ និងសង្គ្រោះ នៃអគ្គស្នងការនគរបាលជាតិ បានឲ្យដឹងថា នៅវេលាម៉ោង ១៥:០០នាទីរសៀល ថ្ងៃ១១ កើតខែ អស្សុជឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៩ ខែតុលា ឆ្នាំ២០១៩ មានករណីអគ្គីភ័យមួយកន្លែងកើតឡើង នៅផ្ទះមេភូមិ៦ ស្ថិតនៅតាមបណ្តោយផ្លូវ148 ក្រុម24 ភូមិ 6 សង្កាត់ផ្សារកណ្ដាលទី2 ខណ្ឌដូនពេញ រាជធានីភ្នំពេញ។
នគរបាលបានឲ្យដឹងថា ម្ចាស់ទីតាំងឈ្មោះ សាយ សាគី ភេទ ស្រី អាយុ57 ឆ្នំា មុខរបរ ប្រធានភូមិ ។ ករណីនេះកើតឡើងដោយ មូលហេតុ ឆ្លងចរន្តអគ្គិសនី ឆេះផ្ទះ ថ្មបេតុងទំហំ ( 4ម៉ែត្រx3ម៉ែត្រ ) ឆេះខូចខាតសម្ភារ ទូររទស្សន៍1គ្រឿង កំព្យូទ័រ2គ្រឿង កង្ហាល1 ពូក 1 និងសម្លៀកបំពាក់មួយចំនួន និងពុំបណ្តាលឲ្យឆេះរាលដាលដល់ផ្ទះអ្នកនៅក្បែរខាងឡើយ ។
ក្នុងប្រតិបត្តិការនេះ កងកម្លាំងសមត្ថកិច្ចបានប្រើប្រាស់រថយន្តការិយាល័យអគ្គិភ័យ ចំនួន 4 គ្រឿង ពុំបានប្រើប្រាស់ទឹក ហើយ ពន្លត់ចប់នៅម៉ោង15:20នាទីរសៀលនាថ្ងៃទីខែឆ្នាំដដែល ៕
