លោក អូស្មាន ហាស្សាន់៖ សមាគមធុរកិច្ចមុស្លិមថៃ នឹងរៀបចំពិព័រណ៍ហាឡាលអន្តរជាតិ នៅកម្ពុជាលេីកទី១ នាចុងខែកម្ភៈ ឆ្នាំ២០២០
ភ្នំពេញ៖ នៅល្ងាចថ្ងៃទី០៩ ខែតុលា ឆ្នាំ២០១៩ លោក ឧកញ៉ា អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានគណៈកម្មការត្រួតពិនិត្យផលិតផលហាឡាលកម្ពុជា បានទទួលជួបពិភាក្សាការងារជាមួយប្រតិភូសមាគមធុរកិច្ចមុស្លិមថៃ ដែលគ្រោងនឹងរៀបចំពិព័រណ៍ហាឡាលអន្តរជាតិ នៅកម្ពុជាលេីកទី១ ឆ្នាំ២០២០ ។
លោក អូស្មាន ហាស្សាន់ បានបញ្ជាក់ថា៖ ពិព័រណ៍ខាងលេី នឹងប្រព្រឹត្តទៅនៅសាលតាំងពិពណ៍កោះពេជ្ររយៈពេល ៣ ថ្ងៃ គឺចាប់ពីថ្ងៃទី២៨-២៩ កកម្ភៈនិងទី ១ មីនា ឆ្នាំ២០២០ ខាងមុខ ដែល នឹងមានដាក់តាំងនូវផលិតផល និង សេវាកម្មហាឡាល់មកពីបណ្តាប្រទេសអាស៊ាន និង ផ្សេងៗទៀត។
ក្នុងឱកាសនោះ លោក ទេសរដ្ឋមន្ត្រី ក៏បានផ្តល់បទសម្ភាសន៍ដល់ សមាគមធុរកិច្ចមុស្លិមថៃ ដេីម្បីផ្សព្វផ្សាយទាក់ទាញវិនិយោគិនថៃ មកវិនិយោគ លេីវិស័យហាឡាលនៅកម្ពុជា ៕
