ជិះពោង ចុះទៅមើលមង លង់ទឹកស្លាប់បុរសម្នាក់

កណ្តាល៖ បុរសម្នាក់លង់ទឹកស្លាប់ ពេលជិះពោង ចុះទៅមើលមង ហើយក្រឡាប់ពោង ដែលហេតុការណ៍នេះ កើតឡើងនៅ ថ្ងៃទី១៧ ខែកក្កដា ឆ្នាំ២០១៨ វេលាម៉ោង ១៧៖៤០នាទី នៅចំណុចព្រែកចិន ស្ថិតនៅភូមិទេពអរជូន ឃុំកោះខែល ស្រុកស្អាង ខេត្តកណ្តាល ។

ជនរងគ្រោះ ឈ្មោះឡន សារី ភេទ ប្រុស អាយុ ៣៥ឆ្នាំ ជនជាតិខ្មែរ មុខរបរកសិករ មានទីលំនៅភូមិទេពអរជូន ឃុំកោះខែល ស្រុកស្អាង ខេត្តកណ្ដាល ។

នៅថ្ងៃទី ១៧កក្កដា ២០១៨ វេលាម៉ោង ១៧ និង២០នាទី ជនរងបានហៅកូនស្រីឈ្មោះ ស្រីនូ អាយុ ១០ឆ្នាំ ទៅមេីល មងរបស់ពូ ឈ្មោះឈិន ស្ងួន ដាក់នៅក្នុងព្រែកចិន ដោយជិះពោង ហើយកូនស្រីនៅឈរចាំលើគោក ។ ពេលនោះជនរងគ្រោះ កំពុងតែមេីល មង ស្រាប់តែក្រឡាប់ពោងធ្លាក់ទឹក ជនរងគ្រោះ វ័ន្តនឹងមង កូនស្រីឃេីញឪពុកធ្លាក់ទឹក ក៏រត់មកហៅបងប្អូនអោយជួយ បន្ទាប់មកបងប្អូនអ្នកភូមិបានចុះទៅស្រង់ តែជនរងគ្រោះ បានឈ្លក់ទឹក ដាច់ខ្យល់ស្លាប់បាត់ទៅហេីយ ។