ម៉ូតូ១គ្រឿងឡើងវ៉ារថយន្តធំ ទៅបុកម៉ូតូមួយគ្រឿងទៀតមកពីទិសផ្ទុយគ្នា បណ្តាលឱ្យខ្ទាតអ្នករួមដំណើរចូលក្រោមកងរថយន្តបណ្តាលឱ្យស្លាប់និងរបួសធ្ងន់២នាក់

ខេត្តឧត្តរមានជ័យ៖ មានករណីគ្រោះថ្នាក់ចរាចរណ៍រវាងម៉ូតូនិងម៉ូតូ នៅលើផ្លូវលេខ២៦៨៦ ចន្លោះKm១៣-១៤ កាលពីវាលាម៉ោង១៩និង០០នាទីយប់ ថ្ងៃទី២០ ខែតុលា ឆ្នាំ២០១៩ ស្ថិតនៅក្នុងភូមិគោកភ្លុក សង្កាត់កូនក្រៀល ក្រុងសំរោង ខេត្តឧត្តរមានជ័យ បណ្តាលឲ្យស្លាប់មនុស្ស ១ នាក់និងរបួសធ្ងន់ ២ នាក់។
លោក វរសេនីយ៍ទោ ធូ សុភា ការិយាល័យចរាចរណ៍ខេត្ត បានឱ្យដឹងថា
១-អ្នកបើកបរម៉ូតូឈ្មោះ យួន ឡេង ភេទស្រី អាយុ ២៣ ឆ្នាំ (របួសសធ្ងន់) មុខរបរ​បុគ្គលិកក្រុមហ៊ុនការសីុណូ (មិនមួកសុវត្តិភាព) រស់នៅភូមិអួរអង្រែ ឃុំត្រពាំងតាវ ស្រុកអន្លង់វែង ខេត្ត្តឧត្តរមានជ័យ បើកបរម៉ូតូម៉ាកហុងដាឌ្រីម C125 សេរីឆ្នាំ​២០១៩ ពាក់ស្លាកឧត្តរមានជ័យ​1D-1606 បើកបរពីលិច ទៅកើត
២-អ្នករួមដំណើឈ្មោះ ទិត្យ សុខេង ភេទ ស្រី អាយុ ២០ ឆ្នាំ (មិនពាក់មួកសុវត្តិភាព) រស់នៅក្នុងភូមិទួលដាលា ឃុំត្រពាំងប្រីយ ស្រុកអន្លង់វែង ខេត្តឧត្តរមានជ័យស្លាប់។
៣-អ្នកបើកបរម៉ូតូស្គុបពីឈ្មោះ ហាន កៃ ភេទ ប្រុស អាយុ ២០ ឆ្នាំ រស់នៅក្នុងភូមិត្រពាំងត្រាវ ឃុំត្រពាំងត្រាវ ស្រុកអន្លង់វែង ខេត្តឧត្តរមានជ័យ (របួសធ្ងន់បាក់ជើងជើងឆ្វេង)។