អ្នកមានលុយ ក្នុងសម័យប៉ុល ពត អង្គុយលើគំនរឃ្លាំងលុយ ចាត់ទុកជាវត្ថុគ្មានតម្លៃ
ភ្នំពេញ៖ អង្គការសម័យប៉ុល ពត បានបោះពុម្ពលុយថ្មី តែរវល់ធ្វើស្រែធ្វើចំការនៅជនបទ និងគ្មានទីក្រុងទីផ្សារ លុយថ្មីក៏មិនចាំបាច់ចាយដែរ ហើយសេដ្ឋី ក្នុងសម័យប៉ុល ពត អង្គុយលើគំនរឃ្លាំងលុយ ដែលបានចាត់ទុកជាវត្ថុគ្មានតម្លៃ។
លោកហេង រតនា អគ្គនាយកស៊ីម៉ាក់ បានសរសេរសារដ៏មានអត្ថន័យ នៅលើបណ្តាញសង្គមហ្វេសប៊ុកផ្ទាល់ខ្លួនថា “អ្នកមានលុយ (សេដ្ឋី) ក្នុងសម័យប៉ុល ពត! អង្គុយលើគំនរឃ្លាំងលុយរបបចាស់ដែលអង្គការប៉ុល ពតបានចាត់ទុកជាវត្ថុគ្មានតម្លៃ ព្រោះគ្មានទីក្រុងទីផ្សារ គ្មានការចាយវាយលុយទៀតទេ! “។
លោកបានរៀបរាប់បន្តថា “អង្គការបោះពុម្ពលុយថ្មី តែរវល់ធ្វើស្រែធ្វើចំការនៅជនបទ និងគ្មានទីក្រុងទីផ្សារ លុយថ្មីក៏មិនចាំបាច់ចាយដែរ! របបមួយដែលស្មើភាពគ្នា មានកម្មសិទិ្ធ គឺតែស្លាបព្រាមួយនិងចបកាប់មួយប៉ុណ្ណោះ! (រូបភាពនេះអាចចង់បង្ហាញថា រូបិយវត្ថុគ្មានតម្លៃអ្វីទាំងអស់ ក្នុងសម័យកម្ពុជាមហាអស្ចារ្យនិងមហាលោតផ្លោះ មេសា ១៩៧៥- មករា ១៩៧៩)!”៕
