មន្ទីរសាធារណការ ខេត្តព្រះវិហារ សូមអោយបងប្អូនប្រជាពលរដ្ឋយកយានយន្តមកត្រួតពិនិត្យលក្ខណៈបច្ចេកទេស(ឆៀក) នៅ រៀងរាល់ថ្ងៃធ្វើការ
ព្រះវិហារ៖ ដើម្បីជៀសវាងនូវការខាតបង់ពេលវេលា ប្រាក់កាសផ្សេងៗ ជាពិសេស ដើម្បីសុវត្ថិភាពអាយុជីវិតអ្នក និងក្រុមគ្រួសារដោយយថាហេតុ ឬដោយការធ្វេសប្រហែសប្រការណាមួយនោះ មន្ទីរសាធារណការ និងដឹកជញ្ជូនខេត្តព្រះវិហារ បាន
សូមអោយបងប្អូនប្រជាពលរដ្ឋ យកយានយន្តរបស់ខ្លួន
មកធ្វើការត្រួតពិនិត្យលក្ខណៈបច្ចេកទេស(ឆៀក) នៅ រៀងរាល់ថ្ងៃធ្វើការ ចាប់ពីថ្ងៃចន្ទ-ថ្ងៃសុក្រ នៅមន្ទីរសាធារណការ និងដឹកជញ្ជូនខេត្តព្រះវិហារ ដោយមានមណ្ឌលត្រួតពិនិត្យលក្ខណៈបច្ចេកទេស(ឆៀក) យានយន្ត ។
គួររំលឹកផងដែរថា គ្រោះថ្នាក់ចរាចរណ៍កើតឡើងស្ទើររាល់ថ្ងៃ នៅលើដងផ្លូវ ហើយយានយន្តជាច្រើនក៏ត្រូវបានមន្ត្រីមានសមត្ថកិច្ចធ្វើការឃាត់ ឬផាកពិន័យដោយសារផុតកំណត់ការត្រួតពិនិត្យលក្ខណៈបច្ចេកទេសយានយន្តផងដែរ។ ហេតុដូច្នេះហើយ ដើម្បីជៀសវាងនូវការខាតបង់ពេលវេលា ប្រាក់កាសផ្សេងៗ ជាពិសេស ដើម្បីសុវត្ថិភាពអាយុជីវិតអ្នក និងក្រុមគ្រួសារដោយយថាហេតុ ឬដោយការធ្វេសប្រហែសប្រការណាមួយនោះ សូមអញ្ជើញយក យានយន្តរបស់លោកអ្នកមកធ្វើការត្រួតពិនិត្យលក្ខណៈបច្ចេកទេស(ឆៀក) នៅមន្ទីរសាធារណការ និងដឹកជញ្ជូនខេត្តព្រះវិហារ រៀងរាល់ថ្ងៃធ្វើការ ចាប់ពីថ្ងៃចន្ទ-ថ្ងៃសុក្រ ព្រឹកម៉ោង ៧:០០-១១:៣០ នាទីនិងរសៀលម៉ោង ២:០០-០៥:៣០ នាទី
(សម្រាកថ្ងៃសៅរ៍ ថ្ងៃអាទិត្យ និងថ្ងៃបុណ្យ)។
សូមបញ្ជាក់ថា៖ ក្រុមការងារឆៀក នៃមន្ទីរសាធារណការ និងដឹកជញ្ជូនខេត្តព្រះវិហារ តែងតែប្តេជ្ញាចិត្តផ្ដល់នូវសេវាសាធាណ:ជូនប្រជាពលរដ្ឋ ឆាប់រហ័ស និងគិតតម្លៃតាមតារាងកំណត់ត្រឹមត្រូវ៕