កម្ពុជា និងបាបាដុស ពង្រឹងចំណងមិត្តភាព តែមិនជ្រៀតជ្រែកកិច្ចការផ្ទៃក្នុង រវាងរដ្ឋនិងរដ្ឋ
ភ្នំពេញ៖ ក្រសួងការបរទេសនិងសហប្រតិបត្តិការអន្តរជាតិ នៅថ្ងៃទី២០ ខែវិច្ឆិកា ឆ្នាំ២០១៩ បានចេញសេចក្តីថ្លែងការណ៍រួម ស្តីពីការបង្កើតទំនាក់ទំនងការទូតរវាងព្រះរាជាណាចក្រកម្ពុជា និងបាបាដុស។
រដ្ឋាភិបាល នៃព្រះរាជាណាចក្រកម្ពុជា និងរដ្ឋាភិបាលនៃបាបាដុស ក្នុងគោលបំណងជំរុញការយោគយល់គ្នាទៅវិញទៅមក និងពង្រឹងចំណងមិត្តភាព និងកិច្ចសហប្រតិបត្តិការរវាងប្រជាជនទាំងពីរ ដោយឈរលើគោលការណ៍ និងគោលបំណង នៃធម្មនុញ្ញអង្គការសហប្រជាជាតិ និងច្បាប់អន្តរជាតិ ជាពិសេសក្នុងគោលបំណងគោរព និងពង្រឹងសន្តិសុខ និងសន្តិភាពអន្តរជាតិ សមភាពរវាងរដ្ឋ និងរដ្ឋអធិបតេយ្យភាពជាតិ ឯករាជ្យភាព សន្ធិសញ្ញាអន្តរជាតិ បូរណភាពទឹកដី និងការមិនជ្រៀតជ្រែកកិច្ចការ
ផ្ទៃក្នុងរវាងរដ្ឋនិងរដ្ឋបានសម្រេចបង្កើតទំនាក់ទំនងការទូតថ្នាក់ឯកអគ្គរាជទូតរដ្ឋទូត ដោយអនុលោមតាមបទប្បញ្ញត្តិ នៃអនុសញ្ញា
ទីក្រុងវីយ៉េន ស្តីពីទំនាក់ទំនងការទូត ចុះថ្ងៃទី១៨ ខែមេសា ឆ្នាំ១៩៦១ ដោយមានប្រសិទ្ធភាពចាប់ពីថ្ងៃចុះ
ហត្ថលេខាលើសេចក្តីថ្លែងការណ៍រួម នេះតទៅជាសក្ខីភាព តំណាងហត្ថលេខីទាំងពីរ ដោយមានការអនុញ្ញាតពីរាជ/រដ្ឋាភិបាលរៀងៗខ្លួន បានចុះហត្ថលេខាលើសេចក្តីថ្លែងការណ៍រួមនេះ ជាពីរច្បាប់ដើម ជាភាសាខ្មែរ និងភាសាអង់គ្លេស ដែលអត្ថបទទាំងពីរនេះមានតម្លៃស្មើគ្នា៕
