អាជ្ញាធរខណ្ឌចំការមនបើកយុទ្ធនាការ ចុះធ្វើអនាម័យបរិស្ថានប្រមូលសំរាមនៅថ្ងៃចុងសប្ដាហ៍

ភ្នំពេញ៖កាលពីព្រឹកថ្ងៃទី២៣ខែវិច្ឆិកាឆ្នាំ២០១៩នេះលោកថេង សុថុល អភិបាលខណ្ឌចំការមនបានបើកយុទ្ធនាការចុះសំអាតធ្វើអនាម័យ បរិស្ថាននៅតាមបណ្ដោយផ្លូវលេខ១០៥ស្របនិងប្រឡាយទឹកស្អុយបឹងត្របែកដែលស្ថិតនៅក្នុងមូលដ្ឋានសង្កាត់ចំនួន៣គឺសង្កាត់ទួលទំពូងទី១ សង្កាត់ផ្សារដើមថ្កូវ និង សង្កាត់បឹងត្របែក។ក្នុងសកម្មភាពចុះធ្វើការងារសង្គមនាឱកាសនោះលោកអភិបាលខណ្ឌចំការមនថេង សុថុល បានដឹកនាំកម្លាំងចម្រុះដោយបន្តសកម្មភាពការងាររបស់ខ្លួនយ៉ាងសកម្មផុលផុសនាថ្ងៃចុងសប្ដាហ៍នេះក្នុងការបង្កើនការយកចិត្តទុកដាក់ខ្ពស់ចុះធ្វើអនាម័យបរិស្ថានដោយដើរប្រម៉ែប្រមូលសំរាមនៅតាមដងផ្លូវលេខ១០៥ក្នុងមូលដ្ឋានសង្កាត់៣ខាងលើនោះនិងតាមដងផ្លូវនានាក្នុងមូលដ្ឋានខណ្ឌចំការមនរាជភ្នំពេញ។
លោកថេង សុថុល អភិបាលខណ្ឌចំការមនបានអោយដឹងថានៅព្រឹកថ្ងៃទី២៣ខែវិច្ឆិកានេះដោយចុះដឹកនាំកម្លាំងប្រជាការពារខណ្ឌនិងក្រុមយុវជនដោយចុះធ្វើការងារអនាម័យនៅតាមសង្កាត់ចុះមកប្រមូលនិងដឹកជញ្ជូនសំរាមដោយម៉ូតូនៅតាមដងផ្លូវនានាក្នុងមូលដ្ឋានចំការមនដោយមិនអោយមានការកកស្ទះសំរាមដោយទុកចោលយូរច្រើនថ្ងៃឡើយហើយប្រើប្រាស់រឺម៉កម៉ូតូធុនធំដឹកសំរាម។ជាមួយគ្នានេះដែរលោកថេង សុថុល អភិបាលខណ្ឌចំការមនបានធ្វើការអំពាវនាវដោយសំណូមពរដល់បងប្អូនប្រជាជនដែលមានលំនៅស្ថានរស់នៅតាមបណ្ដោយផ្លូលេខ១០៥ស្របប្រឡាយទឹកស្អុយបឹងតរបែកនិងតំបន់ជុំវិញទីនេះសុំជួយទុកដាក់សំរាមអោយបានត្រឹមត្រូវនិងកុំបោះចោលសំរាមពាសទឹកពាសដីដោយបោះសំរាមធ្លាក់ចូលទៅក្នុងទឹកប្រឡាយហើយលោកអភិបាលខណ្ឌចំការមនដោយសង្ឃឹមយ៉ាងជឿជាក់ថាដោយបងប្អូនប្រជាជនគាត់ចូលរួមដោយទុកដាក់សំរាមអោយបានត្រឹមត្រូវដើម្បីសោភ័ណ្ឌភាពទីក្រុងភ្នំពេញនិយាយជារួមនិងនិយាយដោយឡែកមូលដ្ឋានខណ្ឌចំការមនអោយបានស្អាតពោលគឺកុំបោះសំរាមរាយប៉ាយដើម្បីបរិស្ថានស្អាតល្អ, សូមកុំចោលំរាមក្រៅធុងឬថង់សំរាម ដោយខ្ញុំមិនចោលសំរាមរាយប៉ាយទេ…ចុះអ្នកវិញ???
លោកអភិបាលខណ្ឌចំការមនថេង សុថុល បានមានមតិលើកឡើងដោយសង្កត់ធ្ងន់ទៀតថាចំពោះការងារចុះធ្វើអនាម័យ បរិស្ថានដោយដើរប្រម៉ែប្រមូលសំរាមនិងកាកសំណល់នៅតាមដងផ្លូវនានានោះមិនថាយប់ឬថ្ងៃឈប់សម្រាក់ការងារនាថ្ងៃចុងប្ដាហ៍នោះទេគឺចុះធ្វើជាប្រចាំហើយជាកត្តាសំខាន់ណាស់ក្នុងការដោះស្រាយបញ្ហាកកស្ទះសំរាមឬកកស្ទះចរាចរណ៍ស្ទះប្រពន្ធ័លូនិងជាការលើកកម្ពស់នូវកិត្តិយសមុខមាត់មូលដ្ឋានខណ្ឌចំការមនទាំងមូលផងដែរដោយមិនត្រូវមើលរំលងឡើយហើយការងារនេះមហាជនទូទៅដែលគាត់ធ្វើដំណើរឆ្លងកាត់តាមដងនានាក្នុងមូលដ្ឋានខណ្ឌចំការមនគឺពួកគាត់មានការគាំទ្រយ៉ាងពេញទំហឹងមកលើការងារសង្គមមួយនេះពេលពួកគាត់ធ្វើដំណើរឆ្លងកាត់តាមដងផ្លូវនេះនាព្រឹកព្រលឹមនិងពេលល្ងាចឬយប់គឺមិនធំក្លិនស្អុយចេញពីគំនរសំរាមទៀតឡើយនិងកាត់បន្ថយភាពអាណាធិបតេយ្យតាមដងផ្លូវផងដែរនៃការចាក់គរសំរាមតាមដងផ្លូវ។ដូចនេះដើម្បីអោយតាមដងផ្លូវអោយកាន់តែមានអនាម័យបរិស្ថាននិងសោភណ្ឌភាពល្អប្រសើរសូមបងប្អូនប្រជាជនទូទៅដែលធ្វើដំណើរមកកាន់ទីក្រុងភ្នំពេញដើម្បីបម្រើការងារតាមអង្គភាពក្រសួងមន្ទីរឬតាមបណ្ដាក្រុមហ៊ុនសហគ្រាសឯកជននិងរកទិញទំនិញតាមទីផ្សារនោះហើយជាពិសេសបងប្អូនអាជីវករលក់ដូរអីវ៉ាន់តាមមុខផ្ទះពួកគាត់និមួយៗនោះនៅតាមដងផ្លូវនានាសូមចូលរួមអនុវត្តន៍អោយបានផុលផុសគ្រប់ៗគ្នាជាមួយខាងអាជ្ញាធរខណ្ឌចំការមនដើម្បីមុខមាត់កិត្តិយសខណ្ឌចំការមន។ហើយការងារនេះអាជ្ញាធរខណ្ឌនិងបន្តចុះធ្វើជាប្រចាំរាងរាល់ថ្ងៃអោយដូចភ្លៀងរលឹមមិនថាថ្ងៃឬយប់ពិសេសនៅថ្ងៃឈប់សម្រាក់ការងារនាចុងសប្ដាហ៍និមួយៗនោះទេតួយ៉ាងដូចនៅចុងសប្ដាហ៍នេះចឹង។
លោកថេង សុថុល អភិបាលខណ្ឌចំការមនបានលើកឡើងទៀតថាបើចង់បានសោភ័ណ្ឌភាព , អនាម័យ និង បរិស្ថានល្អប្រសើរនៅក្នុងមូលដ្ឋានភូមិសង្កាត់យើងនិមួយៗនោះហើយបងប្អូនមានសុខភាព ល្អនិងទីក្រុងមានផាសុខភាព សោភ័ណ្ឌភាពនោះដ៏រាបណាយើងគ្រប់ៗគ្នារួមទាំងមន្រ្តីរាជការ អាជ្ញាធរមូលដ្ឋានផងដែរ និង បងប្អូនប្រជាជនទូទៅត្រូវរួមដៃគ្នាសហការណ៍គ្នាជាមួយគ្នាយ៉ាងផុលផុសទើបនៅក្នុងមូលដ្ឋានយើងមានភាពល្អប្រសើរ។
គួរបញ្ជាក់ផងដែរថាខណ្ឌចំការមនបច្ចប្បន្នដែលដឹកនាំដោយលោកថេង សុថុលក្នុងមួយរយះនេះគឺប្រែមុខមាត់ថ្មីហើយការងារនេះទទួលបានជោគជ័យដោយមានការចូលរួមគាំទ្រពីមហាជននិងមន្រ្តីក្រោមឱវាទផងដែរ។
ជាមួយគ្នានេះលោកអភិបាលខណ្ឌចំការមនថេង សុថុល ក៏បានអំពាវនាវដោយសំណូមពរទៅដល់បងប្អូនប្រជាជនទូទៅនិងបងប្អូនអាជីវករសូមមេត្តាវេចខ្ចប់ទុកដាក់សំរាមអោយបានត្រឹមត្រូវនិងចូលរួមបោសសម្អាតធ្វើអនាម័យ បរិស្ថានដើម្បីទីក្រុងយើងអោយកាន់តែល្អប្រសើរមានផាសុខភាពផងដែរពោលគឺទីក្រុងស្អាតគឺផ្ដើមចេញពីយើងទាំងអស់គ្នា៕