នគរបាលខណ្ឌប្ញស្សីកែវ ឃាត់ខ្លួនបុរសស្ត្រី២នាក់ ជាមួយថ្នាំញៀន ១០កញ្ចប់
ភ្នំពេញ ៖ កំលាំងនគរបាលខណ្ឌឫស្សីកែវ បានឃាត់ខ្លួនជនសង្ស័យ២នាក់ ដោយដកហូតថ្នាំញៀន១០កញ្ចប់ កាលពីម៉ោង១១៖៣០នាទីយប់ នៅថ្ងៃទី០៨ ខែធ្នូឆ្នាំ២០១៩ នៅចំណុចសំណង់មិនរៀបរយ ក្រុមទី១៤ ភូមិផ្សារតូច សង្កាត់ទួលសង្កែ១ ខណ្ឌឫស្សីកែវរាជធានីភ្នំពេញ។
សមត្ថកិច្ចបានឲ្យដឹងថាជនសង្ស័យទី១មានឈ្មោះ ហ៊ឹម ផាន់ណា ភេទស្រី អាយុ៥៨ឆ្នាំ មានទីលំនៅក្រុមទី១៤ ភូមិផ្សារតូច សង្កាត់ទួលសង្កែ១ ខណ្ឌឫស្សីកែវ មុខរបរមិនពិតប្រាកដ និង ឈ្មោះ ពេញ ឈឿន ភេទប្រុសអាយុ២៧ឆ្នាំជនជាតិខ្មែរ មានទីលំនៅ ស្នាក់នៅក្នុងវត្តឧត្តមរាវតី ភូមិមិត្តភាពសង្កាត់ឫស្សីកែវខណ្ឌឫស្សីកែវរាជធានីភ្នំពេញ មុខរបរមិនពិតប្រាកដ។ សម្ភារៈដកហូតមានក្រាមពណ៌សថ្លាចំនួន១០កញ្ចប់តូច។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឬស្សីកែវ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕