កម្លាំងព្រហ្មទណ្ឌកំរិតធ្ងន់ បន្តឃាត់ខ្លួន មុខសញ្ញាសង្ស័យវាយប្លន់បានចំនួន ០២នាក់បន្ថែមទៀត
កំពង់ស្ពឺ៖នៅថ្ងៃទី០៩ ខែធ្នូ ឆ្នាំ២០១៩ វេលាម៉ោង ១៥:៣០នាទីរសៀល កំលាំងអធិការនគរបាលស្រុកសំរោងទង សហកាជាមួយកម្លាំងព្រហ្មទណ្ឌកំរិតធ្ងន់ បន្តឃាត់ខ្លួន មុខសញ្ញាសង្ស័យបានចំនួន ០២នាក់បន្ថែមទៀត នៅភូមិចំការដ្ឋឃុំវល្លិសស្រុកសំរោងទង ខេត្តកំពង់ស្ពឺ ។
កម្លាំងនគរបាលអធិការដ្ឋានស្រុកសំរោងទង ប្រតិបត្តិការបង្ក្រាបក្រុមចោរប្លន់ម៉ូតូដែលតែងធ្វើសកម្មភាពប្លន់អ្នកដំណេីរនៅតាមដងផ្លូវជាតិ ផ្លូវលំ ពេលថៃ្ងពេលរាត្រីក្នុងភូមិសាស្ត្រខេត្តកំពង់ស្ពឺ ចំនួន៨នាក់។
មុខសញ្ញាសង្ស័យបានចំនួន ០២នាក់បន្ថែមទៀត គឺ
1»ឈ្មោះកាន់ឆើត ប្រុស១៨ឆ្នាំភូមិបេងឃុំព្នាយស្រុកសំរោងទង។
2»ឈ្មោះនាងសូរិយាហៅសាក់ប្រុស៣២ឆ្នាំភូមិជ្រលងថ្កូវឃុំរលាំងចកស្រុកសំរោងទង ។
ជាលទ្ធផលសមត្ថកិច្ចដកហូតម៉ូតូ០១គ្រឿង ម៉ាក បុិច ពណ៌ខៀវលាយស ។
តាមការបញ្ជាក់ឲ្យដឹងពីលោក វរសេនីយ៍ឯក ឃុត សុផល អធិការនគរបាលស្រុកសំរោងទង ថាក្រោយការសាកសួរចម្លេីយលេីមុខសញ្ញាសង្ស័យម្នាក់ចំណោមបក្ខពួក ០៨នាក់ដែលបានឃាត់ខ្លួនកាលពីម្សិលមិញគឺ សមត្ថកិច្ចបន្ដបង្រ្កាបមុខសញ្ញាសង្ស័យសេសសល់ដែលជាបក្ខពួករត់គេចខ្លួនបានចំនួន ២នាក់បន្ថែមទៀត និងដកហូតសម្ភារៈវត្ថុតាងមួយចំនួន ។
បច្ចុប្បន្នមុខសញ្ញាសង្ស័យទាំងពីរនាក់បានបញ្ជូនមកការិយាល័យជំនាញ ចាត់ការតាមនីតិវិធី។
សូមបញ្ជាក់ថាក្រោមកិច្ចបញ្ជាដឹកនាំផ្ទាល់ពីលោកឧត្តមសេនីយ៍ទោសមសាមួនស្នងការនគរបាលខេត្តកំពង់ស្ពឺនៅវេលាម៉ោង០៩:៤០នាទី នាថៃ្ងអាទិត្យ ទី០៨ ខែធ្នូ ២០១៩ កម្លាំងអធិការដ្ឋាននគរបាលស្រុកសំរោងទង សហការដោយកម្លាំងជំនាញការិយាល័យព្រហ្មទណ្ឌកំរិតធ្ងន់ បានចុះបង្ក្រាបក្រុមមុខសញ្ញាសង្ស័យជាចោរប្លន់ម៉ូតូបានចំនួន០៨នាក់ស្រី២នាក់ ពាក់ព័ន្ធករណីសង្ស័យធ្វើសកម្មភាពស្ទាក់ប្លន់តាមដងផ្លូវជាតិលេខ៤និងផ្លូវលំមួយចំនួនទៀតនៅក្នុងភូមិសាស្ត្រខេត្តកំពង់ស្ពឺ។
លទ្ធផលប្រតិបត្តិការខាងលើនៅបន្ទប់ផ្ទះជួលរបស់ឈ្មោះខឹមកល្លិកាភេទស្រីអាយុ២៨ឆ្នាំនៅភូមិចំបក់ឃុំវល្លិសរស្រុកសំរោងទងខេត្តកំពង់ស្ពឺសមត្ថកិច្ចដកហូតបានម៉ូតូមិនប្រក្រតីចំនួន៦គ្រឿ ងនិងសម្ភារៈគ្រឿងបន្លាស់មួយចំនួនទៀត(ឧបករណ៍-មធ្យោបាយ) ក្នុងចំណោមជនសង្ស័យទាំងនោះរួមមានឈ្មោះដូចខាងក្រោម ÷
–ឈ្មោះរឿនកវីប្រុសអាយុ២៦ឆ្នាំរស់នៅភូមិវល្លិសរឃុំវល្លិសរស្រុកសំរោងទង។
–ឈ្មោះនាងសីហាហៅប៉ាវប្រុសអាយុ២៧ឆ្នាំរស់នៅភូមិជ្រលងថ្កូវឃុំរលាំងចកស្រុកសំរោងទង។
–ឈ្មោះស៊នភក្ដីប្រុសអាយុ១៩ឆ្នាំរស់នៅភូមិចំការរដ្ឋឃុំវល្លិសរស្រុកសំរោងទង ។
–ឈ្មោះហ៊ីងពិសិដ្ឋប្រុសអាយុ២៩ឆ្នាំរស់នៅភូមិវល្លិសរឃុំវល្លិសរស្រុកសំរោងទង ។
–ឈ្មោះនិតចំណានប្រុសអាយុ១៨ឆ្នាំរស់នៅភូមិសំពៅងរឃុំព្នាយស្រុកសំរោងទង។
–ឈ្មោះញ៉ែមចាន់ដែតប្រុសអាយុ១៨ឆ្នាំរស់នៅភូុមិរំលោងឃុំវល្លិសរស្រុកសំរោងទង។
–ឈ្មោះសុខស្រីលាបស្រីអាយុ២៣ឆ្នាំរស់នៅភូមិសំពៅសង្កាត់ច្បារមនក្រុងច្បារមន។
–ឈ្មោះបួយកែវស្រីអាយុ២៣ឆ្នាំរស់នៅភូមិស្នោរទី១សង្កាត់រកាធំក្រុងច្បារមនបញ្ជាក់ដាវកាំបិតផ្គាក់ជាវត្ថុតាងធ្វេីសកម្មភាពកាប់ប្លន់។
តាមការបញ្ជាក់ឲដឹងពីលោកវរសេនីយ៍ឯកឃុតសុផលអធិការនគរបាលស្រុកសំរោងទងថាប្រវត្តិសកម្មភាពពួកក្រុមជនសង្ស័យទាំងនោះគឺស្ទាក់វៃប្លន់ដោយប្រើប្រាស់ដាវនិងដំបងជាញឹកញាប់ក្រុមនេះតែងតែធើ្វសកម្មភាពប្លន់តាមដងផ្លូវជាតិលេខ៤និងផ្លូវលំមួយចំនួនទៀត ក្នុងភូមិសាស្ត្រខេត្តកំពង់ស្ពឺនៅវេលាពេលទាបភ្លឺនិងពាក់កណ្ដាលរាត្រី ពេលមានអ្នកដំណេីរចេញ–ទៅរកសុីឬដឹកបន្លែទៅលក់តាមទីផ្សាជាដេីម ភាពសាហាវរបស់ក្រុមនេះ ភាគច្រើនតែងកាប់ជនរងគ្រោះដើម្បីប្លន់យកសម្ភារៈតែម្ដង។
យោងតាមចម្លើយបឋម ថាបក្ខពួកក្រុមចោរមួយចំនួនទៀតបានកំពុងរត់គេចខ្លួនបន្ទាប់ពីសមត្ថកិច្ចធ្វេីការបង្រ្កាបបក្ខពួករបស់គេ តែទោះបីយ៉ាងណា សមត្ថកិច្ចបានបញ្ជាក់ថាមុខសង្ស័យសេសសល់ទាំងនោះ គឺកម្លាំងជំនាញបានស្គាល់អត្តសញ្ញាណអស់ហើយនិងបន្ដស្រាវជ្រាវឈានដល់ការបង្រ្កាបជាបន្ដទៀតនៅពេលខាងមុខ៕ដោយ៖កូឡាប