ចោរលួចម៉ូតូ២នាក់ជាប់អន្ទាក់ សមត្ថកិច្ចប៉ូលិសកៀនស្វាយ

កណ្ដាល៖ក្រោមការខិតខំប្រឹងប្រែងនិងចុះទៅដឹកនាំកម្លាំងដោយផ្ទាល់ពីសំណាក់លោកព្រុំ សំណាង អធិការប៉ូលិសស្រុកកៀនស្វាយបានស្រាវជ្រាវតាមប្រមាញ់ឈានទៅដល់ចាប់ឃាត់ខ្លួនមុខសញ្ញាចោរលួចម៉ូតូ២នាក់ដល់ស្រុកស្អាងបន្ទាប់ពីធ្វើសកម្មភាពលួចម៉ូតូ១គ្រឿងនៅភូមិសាស្រ្តឃុំដីឥដ្ឋស្រុកកៀនស្វាយខេត្តកណ្ដាលកាលពីរសៀលថ្ងៃទី១៩ខែធ្នូឆ្នាំ២០១៩នេះ។
លោកព្រុំ សំណាង អធិការប៉ូលិសស្រុកកៀនស្វាយបានអោយដឹងថា ជនរងគ្រោះម្ចាស់ម៉ូតូឈ្មោះសម្បត្តិ ស្រីភាភេទស្រីអាយុ២៩ឆ្នាំមុខរបរអ៊ុតសក់ស្នាក់នៅឃុំដីឥដ្ឋស្រុកកៀនស្វាយខេត្តកណ្ដាល។
ចំណែកជនសង្ស័យមានគ្នា ៖ ០២ នាក់
ទី១•ឈ្មោះ ឈឺន ទីណា ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិស្តៅកន្លែង៣ឃំុដីឥដ្ឋស្រុកកៀនស្វាយខេត្តកណ្តាល (ឃាត់ខ្លួន)និងទី២•ឈ្មោះ អិុត បូរី ភេទប្រុសអាយុ២៩ឆ្នាំជនជាតិខ្មែរមានទីលំនៅភូមិឃំុជាមួយមុខរបរកសិករ(ឃាត់ខ្លួន) ។
វត្ថុតាងចាប់យករួមមាន ៖
១-ម៉ូតូ០១គ្រឿងម៉ាកZooMER.X ពណ៍ទឹកប្រាក់ ពាក់ផ្លាកលេខភ្នំពេញ.1FZ.3559។
លោកអធិការបន្តទៀតថានៅថ្ងៃខែឆ្នាំវេលាម៉ោងកើតហេតុដូចខាងលើជនរងគ្រោះគាត់បានជិះម៉ូតូរបស់ខ្លួន ០១គ្រឿងខាងលើមកចតទុកនៅខាងមុខផ្ទះជាប់ចិញ្ចើមផ្លូវដោយជាប់ទាំងសោរកុងតាក់នៅជាមួយម៉ូតូរួចបានដើរចូលទៅក្នុងផ្ទះបាត់ មួយសន្ទុះហើយភ្លាមនោះជនសង្ស័យបានធ្វើសកម្មភាពលួចយកម៉ូតូជនរងគ្រោះជិះគេចខ្លួនបាត់។បន្តិចក្រោយមកជនរងគ្រោះបានចេញពីក្នុងផ្ទះវិញទើបដឹងថាបាត់ម៉ូតូក៏បានជូនពត៍មានដល់សមត្តកិច្ច ក្រោយពីទទួលបានពត៍មានភ្លាមកំលាំងប៉ុស្តិ៍នគរបាលរដ្ឋបាលដីឥដ្ឋនិងកម្លាំងជំនាញនគរបាលស្រុកដែលដឹកនាំដោយរូបខ្ញុំផ្ទាល់(អធិការ)បានធ្វើការស្រាវជ្រាវកំណត់មុខសញ្ញានឹងគោលដៅរបស់ជនសង្ស័យក៏បានសហការណ៏ជាមួយសមត្តកិច្ចប៉ុស្តិ៍ស្វាយប្រទាលស្រុកស្អាងរហូតឃាត់ខ្លួនជនសង្ស័យរួមនឹងវត្ថុតាងបានយកមកសួរនាំនៅប៉ុស្តិ៍នគរបាលរដ្ឋបាលដីឥដ្ឋ។
ក្រោយពីសាកសួររួចនៅចំពោះមុខសមត្តកិច្ចជនសង្ស័យខាងលើបានសារភាពថា÷ខ្លួនពិតជាបានធ្វើសកម្មភាពលួចយកម៉ូតូរបស់ជនរងគ្រោះពិតប្រាកដមែនដោយគោលបំណង់ជិះយកទៅលក់នៅខេត្តតាកែវ តែពេលកំពង់ ជិះតាមផ្លូវក៏ត្រូវសមត្តកិច្ចឃាត់ខ្លួនបានតែម្តង។
បន្ទាប់ពីសាកសួររួចជនសង្ស័យនិងវត្ថុងតាងបានបញ្ចូនទៅកាន់ផ្នែកជំនាញនៃអធិការដ្ឋាននគរបាលស្រុកកៀនស្វាយដើម្បីកសាងសំនុំរឿងនិងបន្តរចាត់ការតាមនិតិវិធី ៕