អធិការប៉ូលិសស្រុកកៀនស្វាយ ដឹកនាំ មន្រ្តីក្រោមឱវាទនិងផ្នែកជំនាញ ព្រមទាំងបណ្ដាប៉ុស្ដិ៍និមួយៗទាំង៨ប៉ុស្ដិ៍ ចេញល្បាតពួនស្ទាក់ក្នុងមូលដ្ឋាន ដើម្បីទប់ស្កាត់រាល់បទល្មើសនានា
កណ្ដាល៖ជានិច្ចកាលអោយតែដល់ថ្ងៃចុងសប្ដាហ៍និមួយៗលោកព្រុំ សំណាង អធិការប៉ូលិសស្រុកកៀនស្វាយបានដឹកនាំបញ្ជាដោយផ្ទាល់ដល់កងកម្លាំងដែលជាមន្រ្តីក្រោមឱវាទនិងផ្នែកជំនាញព្រមទាំងបណ្ដាប៉ុស្ដិ៍និមួយៗទាំង៨ប៉ុស្ដិ៍ចេញល្បាតពួនស្ទាក់ក្នុងមូលដ្ឋានដើម្បីទប់ស្កាត់រាល់បទល្មើសនានាក្នុងន័យរក្សាការពារសន្តិសុខជូនប្រជាជន។តួយ៉ាងនៅចុងសប្ដាហ៍នេះកាលពីរសៀលថ្ងៃទី២២ខែធ្នូឆ្នាំ២០១៩នេះកម្លាំងជំនាញនៃអធិការដ្ឋានប៉ូលិសស្រុកកៀនស្វាយបានចុះសហការណ៍គ្នាជាមួយកម្លាំងសមត្ថកិច្ចប៉ូលិសប៉ុស្ដិ៍ឃុំបន្ទាយដែកដោយចាប់ឃាត់ខ្លួនជនសង្ស័យបានម្នាក់ជាមួយថ្នាំញៀន១៤កញ្ចប់និងសម្ភារៈប្រើប្រាស់គ្រឿងញៀនជាច្រើនថែមទៀតនៅចំណុចភូមិព្រែកប៉ុល ឃុំបន្ទាយដែក ស្រុកកៀនស្វាយខេត្តកណ្ដាលកាលពីរសៀលថ្ងៃទី២២ខែធ្នូឆ្នាំ២០១៩នេះ។
ជនសង្ស័យឈ្មោះ ហេ ហាន ភេទប្រុស អាយុ២២ឆ្នាំ (ខ្មែរ)មុខរបរមិនពិតប្រាកដមានទីលំនៅបច្ចុប្បន្ន ភូមិព្រែកប៉ុលឃុំបន្ទាយដែក ស្រុកកៀនស្វាយ ខេត្តកណ្តាល (ឃាត់ខ្លួន)។
ចំពោះ វត្ថុតាងចាប់យករួមមាន:
១/-ម្សៅក្រាមពណ៍សថ្លាសង្ស័យសារធាតុញៀន(ម៉ាទឹកកក)ចំនួន១៤កញ្ចប់(មធ្យម៩កញ្ចប់តូច៥កញ្ចប់)
២/-សម្ភារះសម្រាប់ វិុចខ្ចប់មួយចំនួន។
៣/-កញ្ចាប់បារី ហ្វីន ចំនួន០១។
លោកអធិការប៉ូលិសស្រុកកៀនស្វាយព្រុំ សំណាងបានអោយដឹងទៀតថាកាលពីរសៀលថ្ងៃទី២២ ខែធ្នូឆ្នាំ២០១៩នេះកំលាំងប៉ុស្តិ៍នគរបាលរដ្ឋបាលបន្ទាយដែកសហការជាមួយ កំលាំងផ្នែកប្រឆាំងបទល្មេីស
គ្រឿញៀនស្រុកកៀនស្វាយធ្វើការល្បាតនៅក្នុងភូមិសាស្រ្ដឃុំបន្ទាយដែក។លុះមកដល់ចំណុច(ក្បែររោងអ្នកតាចិន)ភូមិព្រែកប៉ុលឃុំបន្ទាយដែកបានឃើញជនសង្ស័យឈ្មោះហេ ហានភេទប្រុសអាយុ២២ឆ្នាំជនជាតិខ្មែរ(មុខរបរមិនពិតប្រាកដ)មានទីលំនៅភូមិព្រែកប៉ុលឃុំបន្ទាយដែក ស្រុកកៀនស្វាយ ខេត្តកណ្ដាល។ កំពង់ឈរនៅម្នាក់ឯងពេលឃើញកម្លាំងសមត្តកិច្ចបាន
រត់ចូលពួននៅក្នុងព្រៃភ្លាមៗនោះកម្លាំងសមត្ថកិច្ចមានការសង្ស័័យដេញតាមចាប់សួរនាំនិងធ្វើការឆែកឆេរបានឃើញមានម្សៅក្រាមពណ៌សថ្លាសង្ស័យសារ
ធាតុញៀនចំនួន១៤កញ្ចប់
(មធ្យម០៩តូច០៥)
នៅក្នុងកញ្ចប់បារីហ្វីននិងសម្ភារៈ
វេចក្ចប់មួយចំនួនរួចបាននាំជនសង្ស័យមកប៉ុស្តិ៍នគរបាលរដ្ឋបាលបន្ទាយដែកធ្វើការសួរនាំ។នៅចំពោះមុខសមត្តកិច្ចជនសង្ស័យបានសារភាពថាថ្នាំញៀនម៉ាទឹកកកខាងលើពិតជារបស់ខ្លួនប្រាកដមែនដែលឈ្មោះមាឃ តុងហេង(ហៅតុង
ម៉េង)ភេទប្រុសអាយុ២៥ឆ្នាំជនជាតិខ្មែរមុខរបរមិនពិតប្រាកដមានទីលំនៅភូមិព្រែកប៉ុលឃុំបន្ទាយដែកស្រុកកៀនស្វាយខេត្តកណ្តាលបានយកថ្នាំញៀន
(ម៉ាទឹកកក)មកអោយខ្លួនទុក្ខលក់បន្ត។ដូចនេះចំពោះជនសង្ស័យខាងលើនេះសមត្ថកិច្ចប៉ូលិសស្រុកកៀនស្វាយកំចាត់ការតាមផ្លូវច្បាប់ផងដែរ។
សូមបញ្ជាក់ផងដែរថា៖ក្នុងមួយរយះពេលប្រមាណជាង១ឆ្នាំនេះដែលលោកព្រុំ សំណាង មកកាន់មុខតំណែងជាអធិការប៉ូលិសស្រុកកៀនស្វាយខេត្តកណ្ដាលដោយលោកអធិការបានយកចិត្តទុកដាក់ជាអាទិភាពលើការងារដោយកសាងអង្គភាពរៀបចំកន្លែងធ្វើការងាររបស់មន្រ្តីប៉ូលិសអោយបានសមរម្យសម្រាប់បម្រើការងារនិងជាមុខមាត់របស់អង្គភាពនៃអធិការដ្ឋានប៉ូលិសស្រុកកៀនស្វាយនិងរៀបចំកន្លែងស្នាក់នៅរបស់កងកម្លាំង ដោយពង្រឹងស្មារតីចំពោះមន្រ្តីប៉ូលិសថ្នាក់ក្រោមអោយខិតខំបម្រើការងារ គោរពវិន័យជាកងកម្លាំងនគរបាលជាតិអោយបានខ្ជាប់ខ្ជួននិងបានជួយដោះស្រាយជីវភាពមន្រ្តីនគរបាលដែលជួបទុក្ខលំបាក ដូចជាមានជម្ងឺឈឺស្កាត់សម្រាកព្យាបាលដោយតែងតែចុះសាកសួរសុខទុក្ខទុកជាការលើកទឹកចិត្តដោយជួយឧបត្ថម្ភជាថវិកានិងសម្ភារះជូនដល់ក្រុមគ្រួសារមន្រ្តីជួបការលំបាក។ហើយលើសពីនេះទៀតលោកព្រុំ សំណាង អធិការប៉ូលិសស្រុកកៀនស្វាយក៏បានចង្អុរបង្ហាញដោយដឹកនាំដល់ផ្នែកជំនាញអោយបន្តរុករកធ្វើការស្រាវជ្រាវសើបអង្កេតដើម្បីតាមចាប់ជនរកស៊ីជួញដូរគ្រឿងញៀនអោយដល់ឫសគល់អោយខាងតែបានផងដែរ៕
