សពបុរសម្នាក់ អណ្តែតមកនៅក្បែរទីបញ្ជាការវរសេនាតូច ការពារព្រំដែនទឹកលេខ ២៦៩

កោះកុង៖ ស្នងការដ្ឋាននគរបាលខេត្តកោះកុង បានឲ្យដឹងថា នៅថ្ងៃទី ២៣ ខែ កក្កដា ឆ្នាំ២០១៨ វេលាម៉ោងជាង២រសៀល កម្លាំងការិយាល័យបច្ចេកទេសវិទ្យាសាស្ត្រ សហការជាមួយកម្លាំងអធិការស្រុកមណ្ឌលសីមា និងក្រុមគ្រូពេទ្យជំនាញ ចុះពិនិត្យសាកសព ១ នាក់ ភេទប្រុស មិនស្គាល់អត្តសញ្ញាណ ដែលប្រទះឃើញអណ្តែតមកនៅក្បែរ ទីបញ្ជាការវរសេនាតូច ការពារព្រំដែនទឹកលេខ ២៦៩ ស្ថិតក្នុងភូមិសាស្ត្រឃុំប៉ាក់ខ្លង ស្រុកមណ្ឌលសីមា ។ បច្ចុប្បន្ន សមត្ថកិច្ចកំពុងស្រាវជ្រាវ រកអត្តសញ្ញាណជនរងគ្រោះ ។