បង្ក្រាបជាក់ស្តែងករណីលួច ម៉ូតូមួយគ្រឿង ឃាត់ជនល្មើស២នាក់
ភ្នំពេញ៖ នៅថ្ងៃទី១០ ខែមករា ឆ្នាំ២០២០ វេលាម៉ោង១២នៅចំណុចផ្ទះលេខ២៦៨ផ្លូវ៣៥៥ ក្រុម២ ភូមិទួលសំពៅ សង្កាត់ទួលសង្កែ១ ខណ្ឌឫស្សីកែវ មានករណីលួចម៉ូតូមួយគ្រឿងម៉ាក SUZUKI. NEX ពណ៌សផ្លាកលេខកំពង់ស្ពឺ 1i 6326។
ជនសង្ស័យឈ្មោះកែវ សារ៉ាន់ណា ភេទប្រុស អាយុ២២ឆ្នាំ មុខរបរមិនពិតប្រាកដ មានទីលំនៅផ្ទះជួល ភូមិតោ្នតជ្រុំ២ សង្កាត់បឹងទំពុន២ ខណ្ឌមានជ័យ មានសារធាតុញៀន និង ជនសង្ស័យឈោ្មះឌិន រ៉ូដា ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅផ្ទះជួលភូមិតោ្នជ្រុំ២ សងា្កត់បឹងទំពុន២ ខណ្ឧមានជ័យ រាជធានីភំ្នពេញ មានសារធាតុញៀន ។ ចំណែកជនរងគ្រោះឈ្មោះបញ្ញា រតនា ភេទស្រី អាយុ២០ឆ្នាំ មុខរបរ និសិ្សត មានទីលំនៅផ្ទះ២៦៨ ផ្លូវលេខ៣៥៥ ក្រុម២ ភូមិទួលសំពៅ សង្កាត់ទួលសង្កែ១ ខណ្ឌឫស្សីកែវ។
សម្ភារដកហូតមាន
ម៉ូតូមួយគ្រឿងម៉ាកSUZUKI NEX ស៊េរី២០១៨ ពណ៌ស ផ្លាកលេខកំពង់ស្ពឺ 1i 6326 ( ម៉ូតូជនរងគ្រោះ) បានប្រគល់ជូនមា្ចស់វិញ ។ ទូរស័ព្ទមួយគ្រឿងម៉ាក CAMFONE ចុចពិល (របស់ជនសង្ស័យ) ។
នគរបាលប្រាប់ពីដំណើររឿងហេតុនេះថា នៅថ្ងៃខែឆ្នាំខាងលើ ជនរងគ្រោះបានទុកម៉ូតូនៅមុខផ្ទះ មិនបានដកសោម៉ូតូចេញនោះទេ រួចក៏ដើរចូលក្នុងផ្ទះ ក៏មានជនសង្ស័យចំនួនពីរនាក់ បានចូលមកធ្វើសកម្មភាពលួច តែត្រូវមា្ចស់ឃើញ បានស្រែកផ្អើលឆោឡោចោរៗ ស្របពេលកម្លាំងល្បាតខណ្ឌ និងប៉ុស្តិ៍ ឃើញក៏បានជួយអន្តាគមន៍ ឃាត់បានជនសង្ស័យចំនួន២នាក់ នាំមកប៉ុស្តិ៍នគរបាលទួលសងែ្ក១ ដើម្បីបន្តនីតិវិធី ។
ចំពោះមុខកម្លាំងប៉ុស្តិ៍ និងកម្លាំងជំនាញអធិការដ្ឋាន កំពុងស្រាវជ្រាវរកបក្ខពួកបន្ថែម និងកសាងសំណុំរឿងបញ្ជូនតាមនីតិវិធី៕
