ក្រោយពេលបោះឆ្នោត រដ្ឋបាលរាជធានីនឹង បើកវគ្គបំពាក់បំប៉ន លើមុខងារសាធារណៈ

ភ្នំពេញ៖ ប្រធានក្រុមប្រឹក្សារាជធានីភ្នំពេញ លោកម៉ប់ សារិន បានលើកឡើងថា ក្រោយពេលបោះឆ្នោត រដ្ឋបាលរាជធានីភ្នំពេញ នឹងបើកវគ្គបំពាក់បំប៉ន លើមុខងារសាធារណៈ ដើម្បីអោយមន្ត្រីរបស់រដ្ឋបាលរាជធានីភ្នំពេញបានយល់ដឹង អំពីនីតិវិធី នៃមុខងារសាធារណៈ ជាជាង ការអនុវត្តការងារ មិនបានត្រឹមត្រូវធ្វើអោយមានបញ្ហា។

ការលើកឡើងបែបនេះរបស់លោកប្រធានក្រុមប្រឹក្សារាជធានីភ្នំពេញ បានធ្វើឡើងកាលពីព្រឹកថ្ងៃទី១៣ ខែមិថុនា ឆ្នាំ២០១៨ ក្នុងកិច្ចប្រជុំក្រុមប្រឹក្សារាជធានីភ្នំពេញលើកទី៤៩ អាណត្តិទី២ នៅសាលារាជធានីភ្នំពេញ។

ក្នុងកិច្ចប្រជុំនេះ ក៏បានផ្តោតសំខាន់ទៅលើការអភិវឌ្ឍន៍របស់រដ្ឋបាលរាជធានីភ្នំពេញនិងការអនុមត័សេចក្តីព្រាងការអនុវត្តការងារដែលបានអនុវត្ត និងសម្រេចជាលទ្ធផលកន្លងមក ក្នុងខែឧសភា ដែលមានរបៀបវារៈដូចខាងក្រោម ៖

១. ពិនិត្យ និងអនុម័តលើសេចក្តីព្រាង កំណត់ហេតុកិច្ចប្រជុំសាមញ្ញ លើកទី៤៩ របស់ក្រុមព្រឹក្សា រាជធានីភ្នំពេញ អាណត្តិទី២ នៅថ្ងៃទី១០ ខែឧសភា ឆ្នាំ២០១៨ ។ ២. ពិនិត្យ និងអនុម័ត លើសេចក្តីព្រាង្របាយការណ៍ ប្រចាំខែឧសភា ឆ្នាំ២០១៨ ស្តីពីពីការអនុវត្តការងារ របស់រដ្ឋបាលរាជធានីភ្នំពេញ ។ ។

៣. ពិនិត្យ និងអនុម័ត សេចក្តីព្រាង ប្រតិទិនកិច្ចប្រជុំ សាមញ្ញ រយៈពេល១២ខែ របស់ក្រុមព្រឹក្សារាជធានីភ្នំពេញ អាណត្តិទី២ ឆ្នាំទី៥ (២០១៨-២០១៩) ។

ក្នុងនោះទទួលបាន សំឡេងគាំទ្រ ១៩ លើ ១៩ ។

ក្នុងកិច្ចប្រជុំនេះដែរ សមាជិកក្រុមប្រឹក្សា ក៏បានលើកឡើង នូវបញ្ហាប្រឈមមួយចំនួន ដែលត្រូវបាន សម្រេចដោះស្រាយ នូវបញ្ហាតាមបណ្តាសង្កាត់

នៅក្នុងរាជធានីភ្នំពេញមិនទាន់ធ្វើបានដោយរលូននិងអសកម្មផងដែរ។

លោកកើត ឆែ អភិបាលរងរាជធានី បានលើកឡើងថា គោលដៅចម្បងមួយចំនួនដែលរដ្ឋបាលរាជធានីធ្វើ គឺរក្សានូវសន្តិសុខសណ្តាប់ធ្នាប់សាធារណៈជូនប្រជាពលរដ្ឋ ពិសេសអាជ្ញាធរមូលដ្ឋាន កងកំលាំងគ្រប់ប្រភេទត្រូវយកចិត្តទុកដាក់ការការពារទុកជាមុនក្នុងការបង្ក្រាបបទល្មើសក្នុងមូលដ្ឋានរបស់ខ្លួនអោយបានម៉ឺងម៉ាត់។ ដោយឡែក សម្រាប់ផលវិបាក ដ៏ទៃទៀតអាជ្ញាធររាជធានីនឹងបន្តដោះស្រាយអោយកាន់តែល្អបន្តទៀត៕