សាររបស់ លោក ហ្សង់ហ្វ្រង់ស័រ តាន់: ស្ត្រីជនជាតិអាមេរិកនៃនាវាWesterdam មិនដែលមានផ្ទុកកូរ៉ូណាវីរុសថ្មីនៅក្នុងរាងកាយសោះឡើយ
ភ្នំពេញ៖
សម្តេចតេជោ ហ៊ុន សែន បង្ហោះចែករំលែកសាររបស់ លោក ហ្សង់ហ្វ្រង់ស័រ តាន់ នាយកវិទ្យុបារាំងអន្តរជាតិ(RFI) ប្រចាំកម្ពុជា និងជាអ្នកជំនាញវិភាគព្រឹត្តការណ៍អន្តរជាតិនិងភូមិសាស្រ្តនយោបាយ ដែលសរសេរថា “នៅទីបំផុតបើសិនជាជាក់ច្បាស់មែនថាស្ត្រីជនជាតិអាមេរិកនៃនាវាWesterdam មិនដែលមានផ្ទុកកូរ៉ូណាវីរុសថ្មីនៅក្នុងរាងកាយសោះឡើយខុសផ្ទុយពីការអះអាងរបស់អាជ្ញាធរសុខាភិបាលម៉ាឡេសុីមេដឹកនាំនៃប្រទេសមួយនេះត្រូវសុំទោសប្រទេសកម្ពុជា“។
សារបន្ទាប់មកទៀត អ្នកវិភាគព្រឹត្តិការណ៍អន្តរជាតិរូបនេះ បានសរសេរបន្ថែមនៅថ្ងៃទី២២ កុម្ភៈនេះ ទៀតថា ៖ ទម្រាំចេញជាដំណឹងល្អវិញនៅថ្ងៃសុក្រម្សិលមិញ…ដំបូងមុខមាត់កម្ពុជាត្រូវបានលើកតម្កើងក្រោយមកត្រូវបានសម្អុយ។ក្នុងជីវិតជិត៣០ឆ្នាំជាអ្នកកាសែតខ្ញុំមិនដែលឃើញប្រព័ន្ធផ្សព្វផ្សាយអន្តរជាតិនាំគ្នានិយាយល្អពីប្រទេសយើងមុននឹងនិយាយអាក្រក់វិញពីប្រទេសយើងដំណាលគ្នានិងច្រើនដល់ម្លឹងក្នុងរយៈពេលតែបួនប្រាំថ្ងៃប៉ុណ្ណោះដោយសារតែនិងដោយហេតុតែសំណុំរឿងនាវា Westerdam៕