រថយន្តបុកម៉ូតូ ស្លាប់២នាក់ របួសធ្ងន់ម្នាក់
ខេត្តស្វាយរៀងៈ ករណីគ្រោះថ្នាក់ចរាចរណ៍ ដ៏គួរឱ្យរន្ធត់មួយ រវាងរថយន្តដឹកកម្មករ និង ម៉ូតូ បើកបរស្របទិសគ្នាពីជើងទៅត្បូង បណ្តាលឱ្យមនុស្សស្លាប់២ នាក់ (ប្រុស១នាក់) និងរងរបួសធ្ងន់ ១ នាក់ (ស្រី) បានកើតឡើងកាលពីវេលាម៉ោង១៧និង០៤នាទីល្ងាច ថ្ងៃទី១៩ ខែមីនា ឆ្នាំ២០២០ នៅលើផ្លូវ 3SVR1 ស្ថិតនៅភូមិត្រពាំងបុណ្យ ឃុំព្រៃគគីរ ស្រុកចន្ទ្រា ខេត្តស្វាយរៀង។
សមត្ថកិច្ចបានឱ្យដឹងថាៈ មានកណីគ្រោះថ្នាក់ចរាចរណ៍ បណ្តាលឱ្យមនុស្សស្លាប់០២ នាក់និងរងរបួសធ្ងន់ ០១ នាក់ដែលមានឈ្មោះដូចខាងក្រោម : ១-ឈ្មោះ សួន បូរី ភេទប្រុស អាយុ ២០ ឆ្នាំ ជនជាតិ ខ្មែរ មុខរបរ កម្មកររោងចក្រ មានទីលំនៅភូមិស្វាយ ឃុំសំឡី ស្រុកកំពង់រោទិ៍ ខេត្តស្វាយរៀង (ស្លាប់)។ ២-ឈ្មោះ ឡាញ់ ផាន្នី ភេទស្រី អាយុ២០ ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិស្វាយ ឃុំសំឡី ស្រុកកំពង់រោទិ៍ ខេត្តស្វាយរៀង (ស្លាប់) ។ ៣-ឈ្មោះ ម៉ាក់ សុភា ភេទស្រី អាយុ៣៩ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិស្វាយ ឃុំសំឡី ស្រុកកំពង់រោទិ៍ ខេត្តស្វាយរៀង (របួសធ្ងន់) ។
ប្រភពដដែលបានបន្តថាៈ មូលហេតុ ដែលបង្កឱ្យមានគ្រោះថ្នាក់ខាងលើនេះ គឺបណ្តាលមកពីរថយន្តបើកបរល្បឿនលឿន រួចក៏បុកម៉ូតូពីក្រោយតែម្តង ។ បច្ចុប្បន្នសាកសពសមត្ថកិច្ចបានប្រគល់ទៅឱ្យសាច់ញាតិ យកទៅធ្វើបុណ្យតាមប្រពៃណី ។ អ្នករងរបួសបញ្ជូនទៅព្យាបាលនៅមន្ទីរពេទ្យបង្អែកជីភូ ។ មធ្យោបាយធ្វើដំណើរយកទៅរក្សាទុកនៅអធិការដ្ឋាននគរបាលស្រុកចន្ទ្រា។ ចំពោះជនបង្ករត់គេចខ្លួនបាត់ ៕
