បុរសម្នាក់ស្លាប់ និងរបួស៤នាក់ ក្នុងគ្រោះថ្នាក់ម៉ូតូបុកជាមួយម៉ូតូកង់បី
ភ្នំពេញ៖ បុរសម្នាក់បានបោកក្បាលស្លាប់ក្រោមម៉ូតូនៅកន្លែងកើត ខណៈមនុស្សប្រុសស្រី៤នាក់ទៀត រងរបួសធ្ងន់ស្រាល ត្រូវបានបញ្ជូនទៅសង្គ្រោះនៅមន្ទីរពេទ្យ ក្នុងហេតុការណ៍គ្រោះថ្នាក់ចរាចរណ៍ រវាងម៉ូតូបុកជាមួយម៉ូតូកង់បី កាលពីវេលាម៉ោង១១:២០នាទីយប់ ថ្ងៃសុក្រ ទី៣ ខែមេសា ឆ្នាំ២០២០នេះ លើកំណាត់ផ្លូវ៦០ម៉ែត្រ ត្រង់ចំណុចជិតផ្លូវបេតុង (ក្រោយផ្សារក្រមួន) ស្ថិតក្នុងភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
គ្រោះថ្នាក់ កើតឡើង ដោយសារតែពួកគេទាំងនោះ បានជិះម៉ូតូឌុបគ្នាក្នុងល្បឿនយ៉ាងលឿន មិនប្រយ័ត្ន ទៅបុកម៉ូតូកង់បីអ្នកលក់ស្លាបមាន់ និងសាច់គោអាំងមួយគ្រឿងទៀត កំពុងបើកឆ្លងផ្លូវពេញទំហឹង៕
