ប្លន់ឡានពីខណ្ឌមករា រួចយកឡានមកទុកចោល នៅកោះពេជ្រខណ្ឌចំការមន
ភ្នំពេញ ៖ ជនសង្ស័យម្នាក់ជាជនជាតិចិន បានធ្វេីសកម្មភាពដោយយកកាំបិតមកភ្ជង់ប្លន់រថយន្តម៉ាកព្រូស ពីជនជាតិចិនដូចគ្នាបានសម្រេចកាលពីម៉ោងជាង៩យប់នា ថ្ងៃទី១៤ ខែមេសា ឆ្នាំ២០២០នេះ តាមបណ្ដោយផ្លូវ១១១ កែងផ្លូវ២៤២ ក្នុងសង្កាត់បឹងព្រលិត ខណ្ឌ៧មករា រួចយកឡានទុកចោលមុខអាគារB ក្នុងមជ្ឈមណ្ឌល កោះពេជ្រក្នុងសង្កាត់ទន្លេបាសាក់ខណ្ឌចំការមនហើយកម្លាំងសមត្ថកិច្ចខណ្ឌ៧មករាបានចុះមក សហការគ្នាជាមួយសមត្ថកិច្ចជំនាញកម្រិតស្រាល នៃស្នងការដ្ឋាននគរបាលរាជធានីភ្នំពេញ និងកម្លាំងសមត្ថកិច្ចខណ្ឌចំការមនធ្វើការ ស្រាវជ្រាវឃេីញតាមប្រព័ន្ធGPS នៅវេលាម៉ោង១០យប់ថ្ងៃទី១៤ ខែមេសា ឆ្នាំ២០២០។
តាមព័ត៌មានពីកន្លែងកេីតហេតុបានគេនិយាយថាឡានដែលត្រូវជនសង្ស័យ ភ្ជង់ប្លន់ ម៉ាកToyota Prius ពណ៌ផ្ទៃមេឃ ពាក់ស្លាកលេខភ្នំពេញ 2AW-6277 ជាកម្មសិទ្ធរបស់ជនជាតិខ្មែរបានជួលឲ្យជនជាតិចិនបេីកបរ ។ ហើយនៅថ្ងៃកេីតហេតុខាងហេតុខាងលើនោះ មានជនសង្ស័យម្នាក់ជាជនជនជាតិចិន បានធ្វេីសកម្មភាពយកកាំបិតភ្ជង់គំរាម និងប្លន់យកឡានពីសង្កាត់បឹងព្រលិត ខណ្ឌ៧មករា យកមកចតទុកចោលនៅមុខអាគារB ក្នុងមជ្ឈមណ្ឌលកោះពេជ្រ សង្កាត់ទន្លេ បាសាកខណ្ឌចំការមន រួចគេចខ្លួនបាត់ ។
ក្រោយមកកម្លាំងសមត្ថកិច្ចប៉ូលិសបានធ្វេីកំណត់ហេតុ ហេីយស្ទួចយកកឡានម៉ាកToyota Prius ខាងលេីទៅរក្សាទុកនៅអធិការដ្ឋាននគរបាលខណ្ឌ៧មករា ដេីម្បីធ្វេីការស្រាវជ្រាវចាត់ការបន្តតាមផ្លូវច្បាប់៕
