បង្ក្រាបបទល្មើសគ្រឿងញៀន ឃាត់ខ្លួនជនសង្ស័យចំនួន ០១នាក់ និងដកហូតបានសារធាតុញៀនចំនួន ១៤ កញ្ចប់

កំពង់ធំ៖ កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តកំពង់ធំ បង្ក្រាបបទល្មើសគ្រឿងញៀន ឃាត់ខ្លួនជនសង្ស័យចំនួន ០១នាក់ និងដកហូតបានសារធាតុញៀនចំនួន ១៤ កញ្ចប់ ។

ថ្ងៃ អង្គារ ១៤កើត ខែ ពិសាខ ឆ្នាំ ជូត ទោស័ក ព.ស
២៥៦៣ត្រូវនឹងថ្ងៃទី ៥ ខែ ឧសភា ឆ្នាំ២០២០ វេលាម៉ោង០៩ និង ២៩ នាទី ដោយមានការសម្របសម្រួល
នីតិវិធីពីលោក ស៊ិន វិរ: ព្រះរាជអាជ្ញាអមសាលាដំបូងខេត្តកំពង់ធំ និងក្រោមការដឹកនាំបញ្ជាផ្ទាល់ ពីលោកឧត្តមសេនីយ៍ទោ អ៊ុក កុសល ស្នងការនគរបាលខេត្ត
កំពង់ធំ កម្លាំងជំនាញ នៃការិយាល័យប្រឆាំងគ្រឿងញៀន
នៃស្នងការដ្ឋាននគរបាលខេត្តកំពង់ធំ បានចេញប្រតិបត្តិការ បង្ក្រាបបទល្មើសគ្រឿងញៀន ០១ករណី នៅចំនុចចំការ
ស្វាយចន្ទីមួយកន្លែង ស្ថិតក្នុងភូមិ ជ័យមង្គល ឃុំ ជ្រាប់
ស្រុក សន្ទុក ខេត្តកំពង់ធំ ឃាត់ខ្លួនជនសង្ស័យចំនួន
០១ នាក់ និងដកហូតបានម្សៅក្រាមពណ៍ ស ថ្លា សង្ស័យ
ជាសារធាតុញៀនខុសច្បាប់ចំនួន ១៤ កញ្ចប់ ទម្ងន់
២៥ ក្រាម និងទូរស័ព្ទដៃចំនួន ០១ គ្រឿង ។

ជនសង្ស័យឈ្មោះ កែវ រ៉ា ភេទ ប្រុស អាយុ ៤៨ ឆ្នាំ
មុខរបរ រត់ម៉ូតូឌុប រស់នៅភូមិ ជ័យជំនះ ឃុំ កកោះ
ស្រុក សន្ទុក ខេត្តកំពង់ធំ ។

ករណីខាងនេះសមត្ថភាពជំនាញ បាននាំខ្លួនជនសង្ស័យ
និងវត្ថុតាង មកកាន់ការិយាល័យប្រឆាំងគ្រឿងញៀង នៃស្នងការដ្ឋាននគរបាលខេត្តកំពង់ធំ ដើម្បីកសាងនីតិវិធី ចាត់ការបន្ត ។

លោកឧត្តមសេនីយ៍ទោ អ៊ុក កុសល ស្នងការនគរបាល
ខេត្តកំពង់ធំ ជានិច្ចកាលតែងតែអំពាវនាវដល់បងប្អូន
ប្រជាពលរដ្ឋ ត្រូវយល់ដឹងអំពីឥទ្ធិពលនៃគ្រឿងញៀន
ហើយចូលរួមក្នុងកិច្ចការងារប្រយុទ្ធប្រឆាំងបទល្មើសគ្រឿងញៀន ដោយចូលរួមសហការជាមួយសមត្ថកិច្ច
ជំនាញ នៅពេលដែលជួបប្រទះករណីជួញដូរសារធាតុ
ញៀនខុសច្បាប់ សូមបងប្អូនសហការមកសមត្ថកិច្ច
ជំនាញ បានទាន់ពេលវេលា ដើម្បីសមត្ថកិច្ច មានវិធានការ បង្ក្រាបបានទាន់ពេលវេលា និងមានប្រសិទ្ធភាពខ្ពស់
ឈានទប់ស្កាត់ លុបបំបាត់ការរីករាលដាល នៃបទល្មើសគ្រឿងញៀន ៕