ជនស័ង្សយមួយក្រុម ប្រដាប់ដោយកាំបិត ធ្វើសកម្មភាពដេញកាប់យុវជនម្នាក់
បាត់ដំបង៖ កាលពីថ្ងៃ សៅរ៍ ១០រោច ខែពិសាខឆ្នាំជូតទោស័កព.ស.២៥៦៤ ត្រូវនឹងថ្ងៃទីទី ១៦ ខែឧសភា ឆ្នាំ ២០២០វេលាម៉ោង ២៣និង៣០នាទីនៅចំណុចសួនច្បារ ស្ថិតក្នុងភូមិរំចេក៤សង្កាត់រតនៈ ក្រុងបាត់ដំបង ខេត្តបាត់ដំបង អនុវត្តតាមបទបញ្ជារបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគបាលខេត្តបាត់ដំបង និងយោបល់ដឹកនាំរបស់លោកវរសេនីយ៍ទោ លឹម ពុទ្ធីឡាស្នងការរងផែនការងារព្រហ្មទ័ណ្ឌនៃស្នងការដ្ឋានកម្លាំងនគរបាលការិយាល័យជំនាញព្រហ្មទ័ណ្ឌកំរិតស្រាលដែលមានលោកវរសេនីយ៍ទោ ឈឿង គឹមសុង ជានាយការិយាល័យបានចូលរួមជាមួយកម្លាំងអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណី ហិង្សាដោយចេតនាមានស្ថានទម្ងន់ទោស(កាប់ដោយកាំបិត) មួយករណី ដែលបង្កឡេីងដោយជនស័ង្សយមួយក្រុមប្រដាប់ដោយកាំបិតធ្វេីសកម្មភាពដេញកាប់យុវជនឈ្មោះឃុន ប៉ូឡា ភេទប្រុស អាយុ៣៣ឆ្នាំ មានទីលំនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបងខេត្តបាត់ដំបង បណ្ដាលឲ្យរងរបួស មុតរយះលេីខ្លួនប្រាណជាច្រើនកន្លែង ។
ក្នុងកិច្ចប្រតិបត្តិការនេះបានឃាត់ខ្លួនជនសង្ស័យចំនួន ០៤នាក់ រួមមាន៖
១-ឈ្មោះ លឿប ភៀន ភេទប្រុស អាយុ ២៣ឆ្នាំមានទីលំនៅភូមិតាគម ឃុំពាមឯក ស្រុកឯកភ្នំខេត្តបាត់ដំបង ( ជាអ្នកកាន់កាំបិតកាប់ )។
២-ឈ្មោះលឿន សាវីន ភេទប្រុស អាយុ១៩ឆ្នាំមានទីលំនៅភូមិព្រែកឆ្ដោ រ ឃុំពាមឯក ស្រុក ឯកភ្នំខេត្តបាត់ដំបង ( ជាអ្នកកាន់កាំបិតកាប់ ។
៣-ឈ្មោះ វ័ន វណ្ណៈ ហៅ គួយ ភេទ ប្រុស អាយុ ១៦ ឆ្នាំ មានទីលំនៅភូមិករហាល ឃុំពាមឯក ស្រុកឯកភ្នំ ខេត្តបាត់ដំបង ( ជាអ្នកបើកម៉ូតូ ។
៤-ឈ្មោះ រួម វុធ ហៅ វឹម ភេទប្រុស អាយុ ១៦ ឆ្នាំមានទីលំនៅភូមិតាគម ឃុំពាមឯក ស្រុកឯកភ្នំខេត្តបាត់ដំបង( ជាអ្នកបើកម៉ូតូ ) រីឯបក្សពួកចំនួន ០៤នាក់ទៀតបនរត់គេចខ្លួន ។
*-វត្ថុតាងដកហូតរួមមាន ៖
– កាំបិតកែច្នៃចំនួន ០៤ដើម
– ម៉ូតូម៉ាកហុងដាឌ្រីម សេ125 ស៊េរីឆ្នាំ 2011 ពណ៌ក្រហម ពាក់ស្លាកលេខ បាត់ដំបង 1K 6698
– ម៉ូតូម៉ាកហុងដាឌ្រីម សេ125 ស៊េរីឆ្នាំ 2004 ពណ៌ខ្មៅ ពាក់ស្លាកលេខ បាត់ដំបង 1E 5808
បច្ចុប្បន្នជនសង្ស័យរួមទាំងវត្ថុតាងខាងលើការិយាល័យជំនាញកំពុងកសាងសំណុំរឿងបញ្ជូនទៅសាលាដំបូងខេត្តបាត់ដំបងចាត់ការ បន្តតាមនីតិវិធី៕