ចិញ្ចើមផ្លូវនិងរបងសាលាជា សុីម ត្រូវបានកែលម្អរ
ភ្នំពេញ៖កាលពីព្រឹកថ្ងៃទី ២៦ ខែឧសភា ឆ្នាំ២០២០នេះរដ្ឋបាលខណ្ឌបឹងកេងកង ដឹកនាំដោយលោក គឹម ឈុនអ៊ូ ប្រធានក្រុមប្រឹក្សាខណ្ឌបឹងកេងកង និង លោក ធឹម សំអាន អភិបាល នៃគណៈអភិបាលខណ្ឌបឹងកេងកង ដោយមានការចូលរួមពីសមាជិកក្រុមប្រឹក្សាខណ្ឌ លោក-លោកស្រី អភិបាលរងខណ្ឌ ប្រធានការិយាល័យ មន្ដ្រីរដ្ឋបាលខណ្ឌ ចុះត្រួតពិនិត្យនៃការជួសជុល(រៀបការ៉ូឡាថ្មី)និងលាបថ្នាំរបងសាលាជាស៊ីមបឹងកេងកង ដែលស្ថិតតាមបណ្តោយ ផ្លូវ360 សង្កាត់ បឹងកេងកងទី1 ខណ្ឌបឹងកេងកង រាជធានីភ្នំពេញ ដើម្បីងាយស្រួលដល់អ្នកថ្មើរជើងធ្វើដំណើរ និងបង្កើននូវសោភណ្ឌភាពស្រស់ស្អាតនៃទីក្រុងគជ់នៃរាជធានីភ្នំពេញនាសព្វថ្ងៃនេះផងដែរ។
ក្រោយពីធ្វើការកែលម្អររបងសាលានិងចិញ្ចើមផ្លូវសម្រាប់អ្នកថ្មើរជើងប្រើប្រាស់ក្នុងការធ្វើដំណើរហើយនោះអាជ្ញាធរខណ្ណបឹងកេងកងដោយសូមធ្វើការអំពាវនាវទៅដល់បងប្អូនប្រជាជនក៏ដូចអ្នកដំណើរទូទៅសូមចូលរួមមើលថែទាំទាំងអស់គ្នាទុកជាប្រយោជន៍សាធារណៈដោយមិនត្រូវបោះចោលសំរាមឬកាកសំណល់អ្វីផ្សេងៗពាសវាលពាសកាលមកលើចិញ្ចើមផ្លូវដែលសម្រាប់អ្នកថ្មើរជើងគាត់ប្រើប្រាស់នៅទីនោះឡើយហើយម្យ៉ាងទៀតវាធ្វើអោយប៉ះពាល់ដល់បរិស្ថាន,និង សោភ័ណ្ឌភាពនៃទីក្រុងគជ់នៃរាជធានីភ្នំពេញផងដែរពោលគឺចូលរួមមើលថែទាំទាំងអស់គ្នា។
អ្នកស្រុកនៅទីនោះគឺពួកគាត់មានការគាំទ្រមកលើអាជ្ញាធរខណ្ឌបឹងកេងកងក្រោមការដឹកនាំដ៏ឈ្លាសវៃពីសំណាក់លោកធឹម សំអាន អភិបាលខណ្ឌបឹងកេងកងដែលបានកែលម្អដោយរៀបការ៉ូឡាជាថ្មីនឹងលាបថ្នាំរបងសាលាមើលទៅឡើងថ្មីស្រឡាងដោយបង្កើននូវសោភ័ណ្ឌភាពថែមមួយកំរិតទៀតសម្រាប់អ្នកថ្មើរជើងប្រើប្រាស់និងអ្នករស់នៅក្បែរៗទីនោះមកអង្គុយលេងឬដើរហាត់ប្រាណស្រូបយកខ្យល់អាកាសដ៏បរិសុទ្ធផងដែរ៕
