ប្រជុំគណៈបញ្ជាការឯកភាព ខណ្ឌចំការមនគឺផ្ដោតសំខាន់បញ្ហាអនាម័យនិងបរិស្ថាន

ភ្នំពេញ៖នៅសាលាខណ្ឌចំការមននាតំបន់កោះពេជ្រកាលពីព្រឹកថ្ងៃទី២៧ ខែឧសភា ឆ្នាំ២០២០នេះបានរៀបចំកិច្ចប្រជុំគណៈបញ្ជាការឯកភាពខណ្ឌចំការមន ក្រោមអធិបតីភាពលោក ថេង សុថុល អភិបាល នៃគណៈអភិបាលខណ្ឌចំការមននិងជាប្រធានគណៈបញ្ជាការឯកភាពខណ្ឌចំការមន ដោយមានការចូលរួមពីគណៈអភិបាលខណ្ឌ នាយក-នាយករងរដ្ឋបាលខណ្ឌ អធិការនគរបាលខណ្ឌ បញ្ជាការកងរាជអាវុធហត្ថខណ្ឌ យោធាភូមិភាគពិសេសប្រចាំខណ្ឌ​ ប្រធាន-អនុប្រធានការិយាល័យ-អង្គភាពទាំង ១១ លោកចៅសង្កាត់ទាំង ០៥ នាយប៉ុស្ដិ៍នគរបាលសង្កាត់ទាំង ០៥ និងតំណាងក្រុមហ៊ុន​ ស៊ិន​ ទ្រី​ ផងដែរ។
ចំពោះរបៀបវារៈដូចខាងក្រោម៖
ទី១-បញ្ហាសន្តិសុខ និងសណ្ដាប់ធ្នាប់តាមដងផ្លូវ។
ទី២-ផ្សព្វផ្សាយអំពីសេចក្ដីណែនាំលេខ ០០៧/២០ សណន ចុះថ្ងៃទី២៥ ខែឧសភា ឆ្នាំ២០២០ របស់រដ្ឋបាលរាជធានីភ្នំពេញ​ និងសេចក្ដីជូនដំណឹង របស់រដ្ឋបាលរាជធានីភ្នំពេញ​ដោយ ស្ដីពីការជម្រុញការបង់ថ្លៃសេវាប្រមូលសំរាម​ និងសំណល់រឹង​ នៅរាជធានីភ្នំពេញក្នុងដំណាក់កាលអន្តរកាល​និងទី៣-បញ្ហាអនាម័យ និងបរិស្ថាន៕