ភ្ជួរដីស្រែដោយត្រាក់ទ័រ កិនចំមីនតោនផ្ទុះ បណ្តាលឲ្យអ្នកបើកបររងរបួសធ្ងន់
ខេត្តបាត់ដំបង៖ អាជ្ញាធរមីន បានប្រកាសថា នៅថ្ងៃទី៣០ ខែឧសភា ឆ្នាំ២០២០ វេលាម៉ោងម៉ោង១០និង៣០នាទី មានករណីផ្ទុះមីនតោន នៅភូមិអន្លុងរាំង ឃុំឃ្លាំងមាស ស្រុកបវេល ខេត្តបាត់ដំបង។ ក្នុងហេតុការណ៍នេះបានកើតឡើងដោយសារការភ្ជួរដីស្រែដោយត្រាក់ទ័រ បណ្តាលឲ្យអ្នកបើកបររងរបួសធ្ងន់ បញ្ជូនទៅព្យាបាលនៅមន្ទីរពេទ្យស្រុកបវេល។
ត្រាក់ទ័រ(ត្រាក់ទ័រម៉ាកkubota) ភ្ជួរដីស្រែ ផ្ទះមីន(មីនតោន) ជារបស់ជនរងគ្រោះឈ្មោះ រឿត ថេត ភេទប្រុស អាយុ ២៥ ឆ្នាំ មានទីលំនៅភូមិសំរោងជ័យ ឃុំបវេល ស្រុកបវេល ។ អ្នកបើកបររងរបួសធ្ងន់។ ពិតជាសោកស្តាយ ចំពោះគ្រោះថ្នាក់ដោយសារសំណល់ជាតិផ្ទុះពីសង្គ្រាមនេះ៕
