នន់ ជំនិតឈ្នះ ពិន្ទុហ៊ា ចាន់ថន
ភ្នំពេញ៖ការប្រកួតរវាងអ្នកប្រដាល់ជើងចាស់២រូបលើសង្វៀនខារ៉ាបាវ របស់អាស៊ីអាគ្នេយ៍នារសៀលថ្ងៃទី៣០ឧសភានន់ ជំនិត
ក្លិបស្វាយរលំឬទ្ធិជ័យបានយកឈ្នះអ្នកប្រដាល់ជើងចាស់ដូចគ្នាបានវិញគឺហ៊ា ចាន់ថនក្លិបគីសែមានរិទ្ធ ។
អ្នកប្រដាល់ទាំង២រូបនេះជួបគ្នាក្នុងប្រភេទទម្ងន់៦៩គីឡូក្រាម ។នេះជាការជួបគ្នាដ៏កម្ររបស់អ្នកប្រដាល់ទាំង២រូបនេះ ។កាល
ជួបគ្នាលើកដំបូងជំនិតចាញ់ចាន់ថនដោយពិន្ទុតែជំនួបលើកនេះជំនិតយកឈ្នះបានវិញ ។ពួកគេទាំង២ចាញ៉ ឈ្នះគ្នាទាំងប្រផិតប្រផើយ
តែប៉ុណ្ណោះ ។
ពួកគេប្រកួតគ្នាដោយប្រើកលល្បិចជាងប្រើកម្លាំង ។ជំនិតគេបញ្ចេញកណ្ដាប់ដៃបានល្អនិងរហ័សក្នុងខណៈដែលចាន់ថនប្រើ
ជង្គង់បានល្អដែរនោះ ។ការប្រកួត៥ទឹកពួកគេវ៉ៃដោយសន្សំសំចៃកម្លាំងជាទីបំផុត ។នន់ ជំនិតបានទទួលជ័យជំនះលើហ៊ា ចាន់ថនដោយ
ពិន្ទុទាំងប្រផិតប្រផើយប៉ុណ្ណោះ ។
សឿន ឆ្នើមក្លិបទ័ពឆ័ត្រយោង៩១១ ប្រកួតឈ្នះអ្នកប្រដាល់រិទ្ធ ប៊ុនម៉ៅក្លិបអាណាចក្រគុនខ្មែរដោយពិន្ទុ ។ អ្នកប្រដាល់ទាំង២
រូបនេះប្រកួតគ្នាក្នុងប្រភេទទម្ងន់៦៣,៥០គីឡូក្រាម ។
ជាអ្នកប្រដាល់ដែលទើបតែលេចមុខដូចគ្នានោះពួកគេសុទ្ធតែមានចិត្តធំដូចគ្នាហើយក្នុងការប្រកួតគេសុទ្ធតែចង់ឈ្នះដូចគ្នា
រហូតពេលខ្លះគេបំពានគ្នាទៅវិញទៅមកទៀតផង ។សឿន ឆ្នើមដែលកម្លាំងរបស់គេមានប្រៀបជាងនោះគេសម្រុកវាយប្រហារលើប៊ុនម៉ៅ
ដោយគ្មានញញើតឡើយ ។
ប៊ុនម៉ៅដែលជាជើងខ្លាំងមួយរូបនៅខេត្តសៀមរាបនោះគេក៏ច្រាស់សងវិញដោយគ្មានញញើតដែរ ។នៅក្នុងការប្រកួត៥ទឹកពួកគេ
វាយប្រហារគ្នាទៅវិញទៅមកដោយមិនសំចៃកម្លាំង ។ការវាយចេញរបស់សឿន ឆឹ្នើមមានប្រសិទ្ធិភាពច្រើនជាងហេតុនេះហើយទើបគេបាន
ទទួលជ័យជំនះលើគូប្រកួតរបស់គេបែបនេះ ។
សេក ចៅជូតក្លិុបអង្គរមានជ័យខេត្តសៀមរាបប្រកួតឈ្នះជើងខ្លាំងថន ភឿតក្លិបឃ្លាំងមឿងកីឡាបានដោយពិន្ទុទាំងវេទនា ។
អ្នកប្រដាល់ទាំង២រូឲបនេះប្រកួតគ្នាក្នុងប្រភេទទម្ងន់៦០គីឡូក្រាម ។
តាមពិតថន ភឿតមានឧិកាសឈ្នះសេក ចៅជូតនៅក្នុងទឹកទី៣ដោយសារតែគេទាត់ចៅជូតបណ្ដាលឲ្យខូចជើងទៅហើយនោះ។
ទោះបីជើងរបស់គេមានបញ្ហាក៏ពិតមែនតែចៅជូតនៅបន្តការប្រកួតបានហើយថែមទាំងការពារមិនឲ្យថន ភឿតវាយប្រហារជើងក្រោមគែ
បានទឿតផង ។
ចៅជូតវ៉ៃចេញបានបកាន់តែល្អនិងចំគោលដៅបានច្រើនទៀតផង ។ចំណែកថន ភឿត២ទឹកចុងក្រោយគេមិនសូវមានឧិកាស
វាយលុកលើគូប្រកួតឡើយគឺភាគច្រើនគេដយថយ និង ការពារច្រើនជាងទៀតផង ។ បន្ទាប់ពីប្រកួតគ្នាពេញទាំង៥ទឹកនោះសេក ចៅជូត
ជាអ្នកឈ្នះថន ភឿតដោយពិន្ទុ ។
ឡុង ពិសិដ្ឋក្លិបខ្លារខិនមានរិទ្ធប្រកួតចាញ់ពិន្ទុអ្នកប្រដាល់ធន វិស្ណុក្លិបកងយោធពលខេមរភូមិន្ទដោយពិន្ទុ ។ពួកគេជាអ្នកប្រដាល់
ជើងថ្មីហើយគេប្រកួតគ្នាក្នុងប្រភេទទម្ងន់៤៨គីឡូក្រាម ៕
