ម៉ន ភារម្យឈ្នះប៉ុក វិបុលដោយពិន្ទុដាច់
ភ្នំពេញ៖ការប្រកួតប្រដាល់លើសង្វៀនខារ៉ាបាវរបស់អាស៊ីអាគ្នេយ៍រសៀលថ្ងៃទី៦មិថុនាដែលជាការប្រកួតរវាងអ្នកប្រដាល់រួមជាតិនោះអ្នកប្រដាល់ម៉ន ភារម្យក្លិបការិយាល័យទី៥កងទ័ពជើងគោកប្រកួតឈ្នះអ្នកប្រដាល់ប៉ុក វិបុលក្លិបទ័ពឆ័ត្រយោង៩១១ដោយ
ពិន្ទុដាច់តែម្ដង ។
អ្នកប្រដាល់ទាំង២រូបនេះចូលចិត្តចំអក និង ឌឺដាក់គូប្រកួតដូចគ្នា ។បើនិយាយពីចិត្តវិញវិបុលក្លាហានជាងចំពោះភារម្យគេពូកែ
បញ្ចេញកាយវិការគម្រាមគូប្រកួតតែចិត្តមិនសូវធំនោះទេ ។នៅក្នុងជំនួបគ្នានេះភារម្យហាក់ដូចជាមានប្រៀបលើវិបុលតាំងពីដើមទឹកទី១មក
ម្ល៉េះ ។
ទោះបីស្ថិតិនៃការវ៉ៃចេញរបស់ពួកគេប្រហាក់ប្រហែលគ្នាមែនតែការវ៉ៃចេញរបស់ភារម្យចំគោលដៅបានច្រើនជាង ។ការប្រកួតនេះ
មានចៅក្រមតែ៣រូបប៉ុណ្ណោះហ់យចៅក្រមទាំង៣រូបសុទ្ធតែផ្ដល់ពិន្ទុឲ្យភារម្យឈ្នះគ្រប់ៗគ្នា ។
សឿម សារ៉ាន់ក្លិបព្រៃទទឹងកីឡសខេត្តបាត់ដំបងប្រកួតចាញ់អ្នកប្រដាល់ឈ្មោះឆូន បួនក្លិបទ័ពឆ័ត្រយោង៩១១ដោយពិន្ទុដាច់
ដែរ ។អ្នកប្រដាល់តាំង២រូបនេះប្រកួតគ្នាក្នុងប្រភេទទម្ងន់៥៧គីឡូក្រាម ។
តាមពិរសឿម សារ៉ាន់ត្រូវប្រកួតជាមួយអ្នកប្រដាល់ប្រាក់ ឌីណាក្លិបតាឯកដំបងដែកមានរិទ្ធតែដោយសារឌីណាមានមបញ្ហាសុខ
ភាពនោះទើបមន្ត្រីខាងផ្គូរផ្គងដាក់ឆូន បួនឲ្យប្រកួតជំនួស ។ការប្រកួតដែលមាន៥ទឹកនិងមានចៅក្រមតែ៣រូបនោះឆូន បួនបានទទួលជ័យ
ជំនះលើសឿម សារ៉ាន់ដោយពិន្ទុ៣ទល់០គឺចៅក្រមទាំង៣រូបសុទ្ឌតែផ្ដល់ពិន្ទុឲ្យឆូន បួនឈ្នះទាំង៣រូប ។
ស៊ុន ប៊ុនសាន់ក្លិបនាគរាជចតុមុខប្រកួតចាញ់អ្នកប្រដាល់ជាយដែនយឹប ឌុកក្លិបរស្មីភូមិគាបខេត្តបន្ទាយមានជ័យដោយពិន្ទុដាច់
ដែរ ។អ្នកប្រដាល់ទាំង២រូបនេះប្រកួតគ្នាក្នុងប្រភេទទម្ងន់៥៤គីឡូក្រាម ។
យឹប ឌុកក៏ត្រូវចៅក្រមទាំង៣រូបផ្ដល់ពិន្ទុឲ្យឈ្នះស៊ុន ប៊ុនសាន់គ្រប់ៗគ្នា ។សូមបញ្ជាក់ថាការប្រកួតរវាងអ្នកប្រដាល់ទាំង២រូបនេះ
មានលក្ខណៈតឹងតែងខ្លាំងណាស់តែទោះជាយ៉ាងណាក៏ការវ៉ៃចេញរបស់យឹប ឌុកត្រូវគោលដៅបានច្រើនជាង ។
សួរ កក្កដាសក្លិបជ្រៃសែនជ័យបានផ្ដួលអ្នកប្រដាលើ់ចៅ សក្លិបយុវខ័ណ្ឌច្បារអំពៅឲ្យសន្លប់មុនស្នូរជួងបញ្ចប់ទឹកទី៣ ។ អ្នកប្រ
ដាល់ទាំង២រូបនេះប្រកួតគ្នាក្នុងប្រភេទទម្ងន់៤៥គីឡូក្រាម ។
ចៅ សត្រូវអាជ្ញាកណ្ដាលរាប់៨នៅទឹកទី២និងដើមទឹកទី៣ ។មកដល់ពាក់កណ្ដាលទឹកទី៣ជង្គង់របស់សួរ កក្កដាអុកត្រូវពោះទឹក
ចៅ សពេញទំហ៊ឹងធ្វើឲ្យចៅ សដួលសន្លប់មិនអាចបន្តការប្រកួតបានទៀត ។
ធន វ៉ាន់ឌីក្លិបកងយោធពលខេមរភូមិន្ទប្រកួតឈ្នះអ្នកប្រដាល់ឡុង សុឃាក្លិបសាលវ័ន្ដកីឡាដោយពិន្ទុ ។អ្នកប្រដាល់ទាំង២រូប
នេះប្រកួតគ្នាក្នុងប្រភេទទម្ងន់៥៤គីឡូក្រាម ៕