រថយន្តក្រុង ក្រុមហ៊ុនអូរខុង ដឹកអ្នកដំណើរពេលយប់ បើកធ្លាក់ពីលើផ្លូវ ស្លាប់២នាក់ របួសជាង២០នាក់
ឧត្តរមានជ័យ ៖ រថយន្តក្រុង ក្រុមហ៊ុនអូរខុង ដឹកអ្នកដំណើរពេលយប់ មកពីភ្នំពេញ ឆ្ពោះមកស្រុកអន្លង់វែង ដល់ចំណុចកើតហេតុ បានបើកធ្លាក់ពីលើផ្លូវចូលអូរ បណ្តាលឲ្យស្លាប់ក្មេងប្រុស ២ នាក់ និងរងរបួសធ្ងន់ស្រាល សរុបចំនួន ២២ នាក់។
ស្នងការដ្ឋាននគរបាលខេត្តឧត្តរមានជ័យ បានឲ្យដឹងថា នៅថ្ងៃទី១០ ខែមិថុនា ឆ្នាំ២០២០ វេលាម៉ោង៥ និង ៥០ នាទីព្រឹក មានករណីគ្រោះថ្នាក់ចរាចរណ៍មួយកើតឡើង នៅលើកំណាត់ផ្លូវជាតិលេខ៦៧ ចំណុចស្ពាន ស្ថិតនៅភូមិអូរតាមែង -ឃុំ- ស្រុកអន្លង់វែង ដោយរថយន្តក្រុង ក្រុមហ៊ុនអូរខុង បានដឹកអ្នកដំណើរពេលយប់មកពីភ្នំពេញ ឆ្ពោះមកស្រុកអន្លង់វែង ដល់ចំណុចកើតហេតុ បានបើកធ្លាក់ពីលើផ្លូវចូលអូរ បណ្តាលឲ្យស្លាប់ក្មេងប្រុស ២ នាក់ និងរងរបួសធ្ងន់ស្រាល សរុបចំនួន ២២ នាក់ ។
ករណីនេះបន្ទាប់ពីទទួលព័ត៌មានបាន លោកវរសេនីយ៍ឯក ស៊ីម វណ្ណៈ អធិការនគរបាលស្រុក បានដឹកនាំកម្លាំងចុះទៅកាន់កាន់កន្លែងកើតហេតុភ្លាមៗ ជួយអន្តរាគមន៍ យកជនរងគ្រោះទៅកាន់មន្ទីរពេទ្យបង្អែកស្រុក ៕
