អាជ្ញាធរខណ្ឌចំការមន ចុះកាប់មែកឈើតាម ដងមហាវិថីព្រះនរោត្ដមបាំងភ្លើងស្តុប
ភ្នំពេញ៖ក្រុមកាងាររដ្ឋបាខណ្ឌចំការមនបានដាក់កម្លាំងចុះមកកាប់លះមែកឈើដែលបែកមែកសាខាហ៊ាលយមកលើផ្លូវ និងមែកឈើស៊ុបទ្រុបដោយហ៊ាមកបាំងនូវស្លាកសញ្ញាចរាចរណ៍ នៅតាមបណ្ដោយមហាវិថីព្រះនរោត្តមក្នុងមូលដ្ឋានខណ្ឌចំការមន។ការងារអាជ្ញាធរខណ្ឌចំការមនបានដាក់កម្លាំងចុះធ្វើនាព្រឹកថ្ងៃទី១១ ខែមិថុនា ឆ្នាំ២០២០នេះ
ដោយមានការចង្អុលបង្ហាញ និងមានការយកចិត្តទុកដាក់ពីសុវត្ថិភាពចម្បងដល់បងប្អូនប្រជាពលរដ្ឋក្នុងមូលដ្ឋានក៏ដូចអ្នកដំណើរទូទៅផងដែរ។
លោក ថេង សុថុល អភិបាល នៃគណៈអភិបាលខណ្ឌចំការមន បានណែនាំអោយក្រុមការងាររដ្ឋបាលខណ្ឌចំការមន ដែលដឹកនាំដោយលោក អ៉ីវ ថាវី នាយករងរដ្ឋបាលខណ្ឌចំការមន បានចុះកាប់លះមែកឈើដែលដុះស៊ុបទ្រុបហ៊ាមកលើផ្លូវ និងមែកឈើហ៊ាមកបាំងស្លាកសញ្ញាចរាចរណ៍ នៅតាមបណ្ដោយមហាវិថីព្រះនរោត្តម ចាប់ពីស្តុបក្រសួងមហាផ្ទៃ រហូតដល់មុខព្រឹទ្ធសភា ដើម្បីបង្ការ និងទប់ស្កាត់ការគ្រោះថ្នាក់ជាយថាហេតុដល់បងប្អូនប្រជាពលរដ្ឋដែលពេលកំពង់ធ្វើដំណើរនៅតាមបណ្ដោយមហាវិថីខាងលើនេះ៕
