ស្រ្តី ម្នាក់បានស្លាប់ភ្លាមៗនៅក្នុងករណីផ្ទុះដុំម្សៅ សូដ្យូមក្លរ៉ាត សម្រាប់បាញ់ដើម តាង៉ែន ឲ្យចេញផ្លែ
បាត់ដំបង៖ មន្ទីរព័ត៌មានខេត្តបាត់ដំបង បានឲ្យដឹងថា ស្រ្តីវ័យ២៦ឆ្នាំម្នាក់បានស្លាប់ភ្លាមៗនៅក្នុងករណីផ្ទុះដុំម្សៅ សូដ្យូមក្លរ៉ាត (SodiumChloride)សម្រាប់បាញ់បញ្ជាដេីមមៀនប្ញហៅតាង៉ែន ។
ករណីនេះបានកើតឡើងនៅរសៀលថ្ងៃទី ១៣ ខែ មិថុនា ឆ្នាំ២០២០ វេលាម៉ោង១៣និង៣០នាទី ស្ថិតនៅចំការ មៀនមួយកន្លែងក្នុងភូមិតាគ្រក់ឃុំត្រែង ស្រុករតនមណ្ឌល ខេត្តបាត់ដំបង ។
ករណីផ្ទុះម្សៅ សូដ្យូមក្លរ៉ាតឡេីងក្នុងពេលដែលប្អូនស្រី យាន យ៉ា ជាកម្មករចំការ បានយកដុំម្សៅសាន ជាសូដ្យូមក្លរ៉ាតដាក់ក្នុងធុងជ័រខៀវលាយទឹក មកបុក ពេលកំពុងបុកបណ្តាលឱ្យផ្ទុះឡេីងស្លាប់ភ្លាមៗនៅនឹងកន្លែង។
សូមជម្រាបជូនថា អ្នកដាំដេីមតាង៉ែន តែងប្រេីប្រាស់ថ្នាំបាញ់ដេីមដេីម្បីបញ្ជាឱ្យចេញផ្លែហេីយថ្នាំដែលបាញ់នេះត្រូវប្រេីប្រាស់ទឹកថ្នាំម្សៅសូដ្យូមក្លរ៉ាត(SodiumChloride)ដែលលាយជាល្បាយសម្រាប់បាញ់ ក៏ប៉ុន្តែការប្រេីប្រាស់ដុំម្សៅសូដ្យូមក្លរ៉ាតមកបុកបែបនេះគឺពិតជាបង្កគ្រោះថ្នាក់ខ្លាំងណាស់។ ករណីនេះបានឱ្យដឹងពីមន្រ្តីនៃស្នងការដ្ឋាននគរបាលខេត្តបាត់ដំបង ។
លោកសូមធ្វេីការអំពាវនាវដល់បងប្អូនប្រជាពលរដ្ឋ សូមមេត្តាប្រុងប្រយ័ត្នចំពោះការប្រេីប្រាស់វត្ថុទាំងនេះ ព្រោះវត្ថុនេះពិតជាបង្កគ្រោះថ្នាក់ដល់អាយុជីវិត យ៉ាងពិតប្រាកដ ៕
