ក្រុមក្មេងៗប្រើប្រាស់បំពង់ស៊ីមាំងប្រែន បង្កការរំខានដល់ពលរដ្ឋក្នុងមូលដ្ឋាន ត្រូវបាននគរបាលស្រុកភ្នំព្រឹក នាំមកអប់រំណែនាំឱ្យបញ្ឈប់សកម្មភាព
បាត់ដំបង៖
នៅថ្ងៃចន្ទ ១០រោចខែជេស្ឋឆ្នាំជូតទោស័ក ព.ស.២៥៦៤ ត្រូវនឹងថ្ងៃទី១៥ខែ មិថុនា ឆ្នាំ ២០ ២០ វេលាម៉ោង ៩ និង២០នាទីដោយអនុវត្តតាមមតិដឹកនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ ដំបង លោកវរសេនីយ៍ទោ សារ៉េត វិសេដ្ឋ អធិការនគរបាលស្រុកភ្នំព្រឹក បានដឹកនាំឱ្យមាន ការ ឃាត់ក្រុមក្មេងៗដែលជិះម៉ូតូក្នុងល្បើន លឿនហើយប្រើប្រាស់បំពង់ស៊ីមាំងម៉ូតូលាន់សម្លេងប្រែនៗខ្លាំងៗជិះ ចុះឡើងបង្កជាការរំខាន ដល់ប្រជាពលរដ្ឋក្នុងមូលដ្ឋាន ក៏ដូចជាអ្នកធ្វើដំណើរតាមដងផ្លូវ ស្ថិតនៅលើផ្លូវជាតិលេខ5B ក្នុងក្រុមទី១១ ភូមិភ្នំតូច ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង។
កម្លាំងជំនាញ នៃអធិការដ្ឋាននគបាលស្រុកភ្នំព្រឹក ធ្វេីការបង្ក្រាបករណីក្មេងទំនេីង (ប្រេីប្រាស់បំពង់សុីមាំងលឺសម្លេងខ្លាំង, អត់ពាក់មួកសុវត្ថិភាព, អត់ដាក់កញ្ចក់, គ្មានស្លាកលេខ) មួយក្រុមមានគ្នាប្រហែល ២០នាក់ និងម៉ូតូជាង១០គ្រឿង ក្នុងនោះកម្លាំងយេីង បានឃាត់ខ្លួនមនុស្សចំនួន ១២នាក់ ស្រី ០១នាក់ ម៉ូតូចំនួន ០៩គ្រឿង ។
ក្រោយពេលកាក់ឃាត់រួចបាននាំពួកគាត់មកកាន់អធិការដ្ឋាននគរបាលស្រុក ហើយតម្រូវឱ្យពួក គាត់ដោះចេញ នូវបំពង់ស៊ីមាំងប្រែនដែល មាន សម្លេងខ្លាំងបង្កការរំខាននេះហើយយកបំពង់ស៊ីមាំងត្រឹមត្រូវមកបំពាក់ រួចបានធ្វើការ អប់រំណែ នាំពួកគាត់ឱ្យបញ្ឈប់សកម្មភាពបែបនេះទៀត និងចុងក្រោយបានអនុញ្ញាតឱ្យគាត់វិលត្រឡប់ទៅកាន់លំនៅដ្ឋានវិញ។
សូមជម្រាបជូនថា ជារឿយៗបានកត់សម្គាល់ឃើញមានក្រុមក្មេងៗមួយចំនួនតូចបានប្រើប្រាស់ម៉ូតូដែល បំពាក់ដោយបំពង់ស៊ីមាំងប្រែនមានសម្លេងលាន់ខ្លាំងៗនេះ តែងតែប្រមូលផ្តុំគ្នាជិះដោយល្បឿនលឿនៗ នៅក្នុងមូលដ្ឋាន ដែលសកម្មភាពបែបនេះបានបង្កឱ្យមានជាសម្លេងរំខានផងនិងបានបង្កនូវភាពអនាធិបតេយ្យក្នុងមូលដ្ឋានផងហើយពេលខ្លះបានបង្កឱ្យកើតមានករណីគ្រោះថ្នាក់ចរាចរណ៍ដល់អ្នកធ្វើដំណើរលើដងផ្លូវដែលមិនបានដឹងអ្វីសោះនោះទទួលរងគ្រោះថ្នាក់ថែមទៀតផង ម៉្យាងទៀតសកម្មភាពបែបនេះ បានធ្វើឱ្យប្រជាពលរដ្ឋរស់នៅមូលដ្ឋាននោះលោក មានការមិនសប្បាយចិត្តហើយសមត្ថកិច្ចនគរបាលមូលដ្ឋានតែងតែនាំពួកគាត់ទាំងនោះមកធ្វើការអប់រំណែនាំដោយតម្រូវឱ្យដោះចេញនូវបំពង់ ស៊ីមាំងទាំងនោះ រួចប្តូរមកបំពាក់បំពង់ស៊ីមាំងត្រឹមត្រូវជំនួសវិញ ៕
