សង្កាត់ចំនួន៤ ក្នុងស្ទឹងត្រែង ត្រូវបានទឹកជំនន់ទន្លេមេគង្គ លិចចូលជាបណ្តើរៗហើយ

ស្ទឹងត្រែង ៖ រដ្ឋបាលខេត្តស្ទឹងត្រែង បានឲ្យដឹងថា មកដល់ម៉ោង ១១ព្រឹក ថ្ងៃទី ៣០ ខែកក្កដា ឆ្នាំ ២០១៨នេះ ទឹកទន្លេមេគង្គ ក្នុងខេត្តស្ទឹងត្រែង បានបន្តកើនឡើងដល់កម្ពស់ ១០,៨០ ម៉ែត្រ (កម្ពស់ប្រកាសឲ្យប្រុងប្រយ័ត្ន ១០,៧០ ម៉ែត្រ) ។ ទឹកទន្លេបានលិចចូលតំបន់ទំនាបមួយចំនួន ក្នុងសង្កាត់ចំនួន ៤ ក្នុងក្រុងស្ទឹងត្រែង ជាបណ្តើរៗហើយ ក្នុងនោះមានសង្កាត់ព្រះបាទ សង្កាត់ស្រះឫស្សី សង្កាត់ស្ទឹងត្រែង និងសង្កាត់សាមគ្គី៕