កំណាត់ផ្លូវកៅស៊ូស្រែអំពិលឃុំឈើទាលក្លាយជាផ្លូវភក់,ថ្នាក់លើកមើលផង…!!!
កណ្ដាល៖ប្រជាជនបានរាយការណ៍អោយដឹងនៅព្រឹកថ្ងៃទី២៦ខែមិថុនាឆ្នាំ២០២០នេះថាកំណាត់ផ្លូវកៅស៊ូស្រែអំពិល១ខ្សែដែលស្ថិតនៅឃុំឈើទាលស្រុកកៀនស្វាយខេត្តកណ្ដាលដែលរាជរដ្ឋាភិបាលបានខិតខំស្ថាបនាជាផ្លូវកៅស៊ូឡើងខ្មៅរលោងស្រិលទុកជាកាដូជូនដល់ប្រជាជនដែលរស់នៅតំបន់នោះបានប្រើប្រាស់ជាមធ្យោបាយក្នុងការធ្វើដំណើរតាមយានយន្តគ្រប់ប្រភេទនិងដឹកជញ្ជូនកសិផលមកកាន់ទីផ្សារនានានៅស្រុកកៀនស្វាយនិងឆ្ពោះមកភ្នំពេញនោះដោយសព្វថ្ងៃនេះបានប្រែក្លាយទៅជាផ្លូវដីដូចសភាពដើមវិញដោយបែកភក់វ៉ល់បង្កការលំបាកនិងគ្រោះថ្នាក់ដល់អ្នកដំណើរជាខ្លាំងតែខាងអាជ្ញាធរស្រុកកៀនស្វាយដោយមិនខ្វល់ចំពោះបញ្ហានេះទៅវិញ…?។
កំណាត់ផ្លូវកៅស្រែអំពិលស្ថិតនៅក្នុងសភាពបែបនេះគឺដោយសារក្រុមឈ្មួញរកសុីដឹកជញ្ជូនដីតាមឡានប្រភេទធុនធំនៅតំបន់ស្រែអំពិលឃុំឈើទាលនេះសម្រុកទៅចាក់លប់លុបដីបឹងវាលទំនាបនៅតំបន់បឹងធំនិងតំបន់នានានៅស្រុកកៀនស្វាយនេះហើយគេនៅមិនទាន់ឃើញក្រុមសមត្ថកិច្ចអាជ្ញាធរស្រុកកៀនស្វាយចុះពិនិត្យមើលឬទល់ស្កាត់សោះឡើយ។
ពួកអ្នកស្រុកគាត់និយាយថាសព្វថ្ងៃនេះពួកគាត់រស់នៅតំបន់នេះនិងពួកអ្នកដំណើរដោយឆ្លងកាតផ្លូវកៅស៊ូស្រែអំពិលពីផ្លូវកៅស៊ូលេខ១១០ទៅផ្លូវជាតិលេខ១និងពីផ្លូវជាតិលេខ១មកផ្លូវ១១០វិញរាល់ថ្ងៃនេះពិសេសនៅពេលយប់ព្រលប់ជួបការលំបាក់ជាខ្លាំងនិងរងនៅផលប៉ះពាល់យ៉ាងធ្ងន់ធ្ងរដោយពិបាកទ្រាំណាស់ពីសំណាក់ក្រុមឈ្មួញរកសុីដឹកដីតាមឡានប្រភេទធុនធំដោយធ្វើអោយប៉ះពាល់ដល់ផ្នែកបរិស្ថាននិងសុខភាពក្នុងការរស់នៅពោលគឺនៅរដូវប្រាំងដីហុយទ្រលោមឡើងងងិតមេឃពេញភូមិហើយដល់ពេលរដូវភ្លៀងធ្លាក់មកដូចសព្វថ្ងៃនេះគឺផ្លូវកៅស៊ូក្លាយជាផ្លូវដីឡើងបែកភក់វ៉លពេញផ្លូវរអិលដូចខ្លាញ់អុីចឹង។
ប្រភពដដែលបានបន្តទៀតថាក្រៅពីបង្កផលប៉ះពាល់ដល់ការរស់នៅរបស់ប្រជាជននាតំបន់ស្រែអំពិលនេះហើយនិងបង្កនូវផលប៉ះពាល់ដល់អ្នកដំណើរទូទៅនៅតំបន់ផ្លូវស្រែអំពិលនេះដែរដោយអ្នកជិះម៉ូតូដីហុយមកលើប្រឡាក់ខ្លួននិងសម្លៀកបំពាក់យ៉ាងស្រម៉កៗសុទ្ធតែដីភក់ឬធុលីដី។ចំពោះឡានដឹកដីតាមផ្លូវខាងលើនោះក្រៅពីបង្កនូវផលប៉ះពាល់ផ្នែកបរិស្ថានហើយនោះនៅបានបង្កគ្រោះថ្នាក់ចរាចរណ៍ដល់ប្រជាជនរស់នៅតំបន់នោះនិងអ្នកដំណើរតាមម៉ូតូថែមទៀតផងដែរ។
រីឯឡានដឹកខ្សាច់ប្រភេទធុនធំដឹកចេញពីដេប៉ូខ្សាច់ដ៏ធំដូចកូនភ្នំនៅភូមិឫស្សីស្រុក២ឃុំឈើទាលស្រុកកៀនស្វាយខេត្តកណ្ដាលនាសព្វថ្ងៃនេះវាមិនខុសពីឡានដឹកដីនៅតំបន់ស្រែអំពិលនោះប៉ុន្មាននោះឡើយដោយក្រុមឈ្មួញសម្រុកដឹកដីខ្សាច់តាមឡានធុនធំតាមផ្លូវកៅលេខ១១០នេះឡើងគគ្រឹកគគ្រេងដូចព្យុះចុះតាមផ្លូវបេតុងទំនប់ដូនសទៅចាក់លប់ដីបឹងវាលទំនាបនៅឃុំឈើទាលនេះដោយបង្កផលប៉ះពាល់បរិស្ថាននិងការរស់នៅរបស់ប្រជាជនអមសងខាងផ្លូវនិងបង្កគ្រោះថ្នាក់ដល់អ្នកដំណើរជាហូរហែរហើយតៃកុងឡានដឹកដីខ្សាច់ចេញពីដេប៉ូខាងលើនោះគឺពួកគេបើកឡានមានល្បឿនលឿនៗដូចហោះដោយមិនប្រណីឡើយហើយបានចុចសុីប្លេរលាន់ឮដូចរន្ទះបង្កការភ័យខ្លាចនិងរំខានដល់ការរស់នៅដល់អ្នកស្រុកជាខ្លាំងដោយឡានដឹកដីខ្សាច់នេះគេចាប់ផ្ដើមដឹកខ្សាច់ចាប់តាំងពីព្រឹកដល់ព្រលប់ឯណោះទើបឈប់សម្រាក់ពីការដឹកខ្សាច់នេះ។ដូចនេះសូម
ថ្នាក់លើជួយមើលឡានដឹកខ្សាច់និងឡានដឹកដីនៅឃុំឈើទាលស្រុកកៀនស្វាយខេត្តកណ្ដាលនាសព្វថ្ងៃនេះផង។តែក្រុមសមត្ថកិច្ចអាជ្ញាធរស្រុកកៀនស្វាយគាត់អត់ខ្វល់ចំពោះបញ្ហានេះដោយសម្រានលង់លក់យ៉ាងរំភើយជាមួយផលប្រយោជន៍សើមមាត់ហេសហេ…!ដូចនេះសូមអាជ្ញាធរខេត្តកណ្ដាលមេត្តាចុះមើលផង៕
