កន្លែងជល់មាន់ដុះស្លែមួយកន្លែងនៅ សង្កាត់ក្បាលកោះប៉ូលិសទើបចុះបង្រ្កាបយកស្នាដៃ ចាប់បានតែមាន់ជល់៣ក្បាល

ភ្នំពេញ៖ទីតាំងសង្វៀនបើកប្រជល់មាន់ដាក់លុយច្រើនៗឡើងដុះស្នឹមជាយូរមកហើយស្ថិតនៅកោះក្រៅភូមិយកបាត្រសង្កាត់ក្បាលកោះខណ្ឌច្បារអំពៅគេទើបឃើញកម្លាំងសមត្ថកិច្ចប៉ូលិសខណ្ឌច្បារអំពៅនៃរាជធានីភ្នំពេញនឹកឃើញចុះទៅបង្រ្កាបយកយកស្នាដៃកាលពីរសៀលថ្ងៃទី២៧ខែមិថុនាឆ្នាំ២០២០នេះ។ប៉ុន្តែសកម្មភាពចុះបង្រ្កាបកន្លែងមាន់ជល់ដុះស្នឹមនេះគឺកម្លាំងសមត្ថកិច្ចប៉ូលិសចាប់បានតែមាន់គកប្រភេទមាន់ជល់បាន៣ក្បាលតែប៉ុណ្ណោះដោយទុករាយការណ៍អួតថ្នាក់លើរបស់ខ្លួន។រីឯម្ចាស់បើកកន្លែងជល់មាន់និងអ្នកញៀនល្បែងជល់មាន់គឺចាប់មិនបានទៅវិញពុំដឹងមូលហេតុអ្វី…???។
តាមសេចក្ដីរាយការណ៍បានអោយដឹងថាដោយកាលពីរសៀលថ្ងៃខែខាងលើនោះកម្លាំងសមត្ថកិច្ចប៉ូលិសដោយប្រដាប់ទៅដោយកាំភ្លើងវែង ខ្លីស្ពាយយ៉ាងច្រូងច្រាងមើលទៅដូចឡើងសមរភូមិតែតាមពិតគឺចុះបង្ក្រាបទីតាំងបើកល្បែងសុីសងខុសច្បាប់ (ជល់មាន់) នៅទីតាំងខាងលើដែលកំពង់តែប្រព្រឹត្ត រួចសមត្ថកិច្ចបានប្រមូលវត្ថុតាងដែលបម្រើអោយ (ជល់មាន់) និងមាន់ជល់៣ក្បាលមកកាន់អធិការរដ្ឋានប៉ូលិសខណ្ឌច្បារអំពៅដើម្បីបន្តតាមច្បាប់៕