ប្រទះឃើញសពបុរសអ្នកលក់នំ ដេកស្លាប់ ក្នុងគុម្ពត្រែង
ភ្នំពេញ៖ បុរសម្នាក់វ័យអាយុប្រហែល ៣០ ឆ្នាំជាងដេកស្លាប់នៅក្នុងគុម្ពត្រែងដោយមិនទាន់ដឹងមូលហេតុពិតប្រាកដនៅឡើយ។
ហេតុការណ៍នេះដែរកើតឡើងនៅវេលាម៉ោង ២ និង ៤២ នាទី ថ្ងៃសៅរ៍ ទី៤ ខែកក្កដា ឆ្នាំ ២០២០ ដែលស្ថិតនៅតាមបណ្តោយផ្លូវ បេតុង ក្នុងភូមិចំរើនផលទី៣ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ។
បើយោងតាមប្រភពព័ត៌មានពីប្រជាពលរដ្ឋ បានឲ្យដឹងថា មុនពេលកើតហេតុពួកគេ បានអើតមើលគេចាក់ដី និងកាយដីនៅក្នុងដីឡូត៍ជិតនិងគុម្ពត្រែងនោះ ស្រាប់គេងាកទៅឃើញបុរសខាងលើដេកស្លាប់នៅសល់តែលីអូ
ដោយឃើញបែបនេះ ក៏រាយការណ៍ទៅខាងសមត្ថកិច្ចមូលដ្ឋានឲ្យចុះមកមើល
ហើយយកខ្សែចងព័ទ្ធជុំវិញកន្លែងកើតហេតុ
រួចរាយការណ៍ទៅខាងជំនាញពិនិត្យ និងកោសល្យវិច័យឲ្យចុះមកដើម្បីពិនិត្យតើ
បុរសខាងលើស្លាប់ដោយសារអ្វីឲ្យពិតប្រាកដ។
សពបុរសខាងលើ ដែលបងប្អូនប្រជាពលរដ្ឋបានស្គាល់ថា គាត់ដើរលក់នំនៅភូមិចំរើនផលទី ៣ រាល់ថ្ងៃ រីឯសាច់ញាតិ គាត់អត់ដឹងថាគាត់ស្នាក់នៅ ភូមិ និង ឃុំ ស្រុកណាទេ។
ជនរងគ្រោះឈ្មោះ ពីង ហ៊ីង មុខរបរ លក់នំ មានប្រពន្ធ រស់នៅសង្កាត់រកាក្រៅ ក្រុងដូនកែវ ខេត្តតាកែវ ហើយបច្ចុប្បន្នជួលផ្ទះគេ នៅជិតវត្តពោធិ៍ញាណ រាជធានីភ្នំពេញ។
ក្រោយពេលកើតហេតុ សមត្ថកិច្ចជំនាញកោសល្យវិច័យចុះមកដល់រួចធ្វើកំណត់ហេតុ
ជូនទៅរថយន្តសាម៉ុយដឹកសព យកទៅតម្កល់ទុកនៅវត្តសន្សំកុសល្យ រង់ចាំក្រុមគ្រួសារយកទៅធ្វើបុណ្យតាមប្រពៃណី៕
