នគរបាលក្រុងព្រះសីហនុ ឃាត់ខ្លួនជនសង្ស័យ៣នាក់ ពាក់ព័ន្ធករណីចោរកម្ម
ព្រះសីហនុ ៖ ក្រោយពីទទួលបានបណ្តឹងពីជនរងគ្រោះ កម្លាំងនគរបាលផ្នែកព្រហ្មទណ្ឌនៃអធិការដ្ឋាននគរបាលក្រុងព្រះសីហនុ បានធ្វើការស្រាវជ្រាវ ឈានទៅឃាត់ខ្លួនជនសង្ស័យចំនួន៣នាក់ ពាក់ព័ន្ធករណីចោរកម្ម ។
ករណីខាងលើបានកើតឡើងនៅថ្ងៃទី០៦ ខែកក្កដា ឆ្នាំ២០២០ វេលាម៉ោង២២និង៣០នាទី នៅចំណុចផ្ទះជួលរបស់ជនរងគ្រោះឈ្មោះ រុន សំណាង ភេទស្រី អាយុ២៣ឆ្នាំមុខរបរបុគ្គលិកកាស៊ីណូ ស្ថិតក្នុងក្រុមទី១១ ភូមិ១ សង្កាត់១ ក្រុង-ខេត្តព្រះសីហនុ ចោរបានចូលក្នុងផ្ទះលួចយកកាបួបលុយ អស់ចំនួន៧00$ លុយខ្មែរ៤០០០០០រៀល(សែសិបម៉ឺនរៀល), ទូរសព្ទចំនួន២គ្រឿង និងសម្ភារៈផ្សេងៗមួយចំនួនទៀត ។
ជនសង្ស័យដែលសមត្ថកិច្ចឃាត់ខ្លួនមានឈ្មោះ ៖
១-ឈ្មោះ ឆេង តារា ហៅអាប៉ាហ៊ី ភេទប្រុស អាយុ៣៩ឆ្នាំ មុខរបរមិនពិតប្រាកដ ស្នាក់នៅបន្ទប់ជួលក្រុម១៤ ភូមិ១សង្កាត់១ ក្រុង-ខេត្តព្រះសីហនុ ។
២-ឈ្មោះ ចក់ ភាព ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់បន្ទប់ជួលក្រុម១៣ ភូមិ១ សង្កាត់១ ក្រុង-ខេត្តព្រះសីហនុ។
៣-ឈ្មោះ យិត ទី ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅភូមិអំពែង ឃុំដង្កោ ក្រុង-ខេត្តកែប ។
វត្ថុតាងចាប់យកបានមាន៖ -ទូរសព្ទ័ដៃចំនួន២គ្រឿង (ម៉ាកសាំស៊ុង ពណ៌ស១គ្រឿង និងអាយហ្វូន ពណ៌ខ្មៅ១គ្រឿង ) ។-ម្សៅក្រាមពណ៌សថ្លា សង្ស័យគ្រឿងញៀន១កញ្ចប់តូច និងប្រដាប់ជក់គ្រឿងញៀន១សំរាប់ រួមនឹងសម្ភារៈមួយចំនួនទៀត ។
ករណីនេះ កម្លាំងជំនាញបានធ្វើការសាកសួរ ដើម្បីកសាងសំណុំរឿងអនុវត្តបន្តតាមនីតិវិធី ៕