បន្ទាប់ពីរឿងអាស្រូវចាក់វ៉ាក់សាំងជំងឺឆ្កែឆ្កួត នាយករដ្ឋមន្ត្រីលី បានសង្កត់ធ្ងន់ លើការពង្រឹងប្រព័ន្ធត្រួតពិនិត្យ

លោកលី កេឈាំង នាយករដ្ឋមន្ត្រីចិន បានគូសបញ្ជាក់អំពីការកែលំអប្រព័ន្ធត្រួតពិនិត្យវដ្ត ពេញលេញរបស់ប្រទេសចិន សម្រាប់វ៉ាក់សាំង នៅឯកិច្ចប្រជុំប្រតិបត្តិរបស់ក្រុមប្រឹក្សារដ្ឋ ដែលបានធ្វើឡើងកាលពីថ្ងៃចន្ទ។

លោកនាយករដ្ឋមន្ត្រីលី បានធ្វើការកត់សម្គាល់នេះ បន្ទាប់ពីបានស្តាប់របាយការណ៍មួយ ពីក្រុមស៊ើបអង្កេតក្រុមប្រឹក្សារដ្ឋ ដែលបានបំភ្លឺអំពីភាពស្របច្បាប់នៃ Changchun Changsheng Life Sciences Limited ក្នុងការបង្កើតថ្នាំបង្ការជំងឺឆ្កែឆ្កួត សម្រាប់មនុស្ស។

ក្រុមអ្នកស៊ើបអង្កេតបានរកឃើញ ការរំលោភបំពានយ៉ាងធ្ងន់ធ្ងរ ជាមួយអ្នកផលិតវ៉ាក់សាំងនេះ ដែលបានផ្លាស់ប្តូរដំណើរការផលិតកម្ម ផលិតកម្មកំណត់ត្រាផលិតកម្ម និងកំណត់ត្រាផលិតផល ហើយបានបំផ្លាញភស្តុតាង នេះបើយោងតាមសេចក្តីថ្លែងការណ៍ ដែលបានចេញផ្សាយបន្ទាប់ពីកិច្ចប្រជុំ។

យោងតាមសេចក្តីថ្លែងការណ៍បានឱ្យដឹងថា ប៉ូលីសបានស្នើសុំការអនុម័ត ដើម្បីចាប់ខ្លួនជនសង្ស័យ ពាក់ព័ន្ធនឹងករណីវ៉ាក់សាំងនេះ។

សេចក្ដីថ្លែងការណ៍បាននិយាយថា អ្នកដែលទទួលខុសត្រូវ ត្រូវទទួលពិន័យខ្ពស់ជាងមុន និងត្រូវពិន័យជាប្រាក់ច្រើន ហើយអ្នកដែលប្រព្រឹត្តបទល្មើស គួរតែត្រូវជាប់គុក ហើយត្រូវហាមប្រាម មិនឱ្យធ្វើការនៅក្នុងឧស្សាហកម្មឱសថ។

យោងតាមសេចក្តីថ្លែងការណ៍ដដែល បានឱ្យដឹងថា ការត្រួតពិនិត្យការស្រាវជ្រាវ និងការអភិវឌ្ឍការផលិតចរាចរ និងការប្រើថ្នាំបង្ការ គួរតែត្រូវបានកែលម្អ ហើយយន្តការរយៈពេលវែងមួយ គួរតែត្រូវបានសាងសង់ ដើម្បីធានាសុវត្ថិភាពនៃថ្នាំ។

កិច្ចប្រជុំនេះបានអំពាវនាវឱ្យពន្លឿន ការស៊ើបអង្កេតទៅក្នុងខ្សែសង្វាក់ផលិតកម្ម វ៉ាក់សាំងទាំងមូល នៃអ្នកផលិតវ៉ាក់សាំងទាំងអស់ ចំនួន 46 នៅក្នុងប្រទេសចិន។

យោងតាមសេចក្តីថ្លែងការណ៍ដដែល ការស៊ើបអង្កេតយ៉ាងហ្មត់ចត់ ទៅលើនិយតករពាក់ព័ន្ធ នឹងត្រូវធ្វើឡើងដោយគ្មានការអត់ធ្មត់។ មន្ត្រីដែលរកឃើញថា មានកំហុសពីការមិនគោរព ឬកំហុសវិជ្ជាជីវៈ នឹងត្រូវបានគេសួរយ៉ាងហ្មត់ចត់ អ្នកដែលទទួលសំណូកនឹងត្រូវដោះស្រាយ យ៉ាងម៉ត់ចត់ហើយអ្នកដែលទទួលខុសត្រូវ លើភាពជាអ្នកដឹកនាំ គួរតែត្រូវទទួលខុសត្រូវយ៉ាងតឹងរ៉ឹងតាមច្បាប់។

សេចក្ដីថ្លែងការណ៍ បាននិយាយថាអាជ្ញាធរមូលដ្ឋាន នឹងទទួលបានជំនួយក្នុងការរំលឹក និងបំផ្លាញវ៉ាក់សាំងទាំងអស់ ដែលទទួលរងផលប៉ះពាល់ ហើយថ្នាំវ៉ាក់សាំង ដែលមានការខូចខាត ដែលត្រូវបាននាំចេញនឹងត្រូវប្រមូលយកមកវិញ ក្រោមការត្រួតពិនិត្យជាមួយ នឹងការផ្តល់ព័ត៌មាន ដល់អង្គការសុខភាពពិភពលោក និងបណ្តាប្រទេសដែលពាក់ព័ន្ធ៕