២៤ម៉ោងចុងក្រោយ គិតត្រឹមព្រឹកថ្ងៃសុក្រនេះ មនុស្សស្លាប់ដោយសារវីរុសកូវីដ១៩នៅអាមេរិក ចំនួន ៩៤៥នាក់
កំណើនមនុស្សឆ្លងវីរុស Covid-19 ប្រចាំថ្ងៃនៅសហរដ្ឋអាមេរិក បានកើនឡើងដល់ជាង ៦ម៉ឺននាក់ហើយ គឺចំនួន ៦០,៨៤៨នាក់ និងមនុស្សស្លាប់ប្រចាំថ្ងៃដោយសារវីរុសនេះ ក៏បានកើនឡើងដល់ជិត ១,០០០នាក់ដែរ គឺមនុស្សស្លាប់ចំនួន ៩៤៥នាក់ ក្នុងរយៈពេល ២៤ម៉ោងចុងក្រោយ គិតត្រឹមព្រឹកថ្ងៃសុក្រ ទី១០ ខែកក្កដា ឆ្នាំ២០២០នេះ ដែលនេះបើយោងតាម Worldometer ។
សូមបញ្ជាក់ជូនថា គិតត្រឹមព្រឹកថ្ងៃសុក្រដូចគ្នានេះ ចំនួនមនុស្សស្លាប់សរុប នៅទូទាំងពិភពលោកបានកើនឡើងដល់ ៥៥៦,៥៦១នាក់ និងមនុស្សឆ្លងសរុបបានកើនឡើងដល់ ១២,៣៧៧,៥៤៦នាក់ ខណៈដែលមនុស្សចំនួន ៧,១៨១,១៨៨នាក់ បានជាសះស្បើយពីវិរុសផ្លូវដង្ហើមមួយនេះ។
ចំពោះមនុស្សឆ្លងវីរុស Covid-19 ប្រចាំថ្ងៃសរុបនៅជុំវិញពិភពលោក បានកើនឡើងដល់ជាង ២២ម៉ឺននាក់ហើយ ដែលក្នុងរយៈពេល ២៤ម៉ោងចុងក្រោយនេះ មានមនុស្សឆ្លងថ្មីនៃវីរុស Covid-19 ចំនួន ២២១,៥១៧នាក់ និងមនុស្សស្លាប់ប្រចាំថ្ងៃសរុប ក៏បានជាង ៥ពាន់នាក់ដែរ ដែលគិតត្រឹមព្រឹកថ្ងៃសុក្រនេះ មនុស្សស្លាប់ប្រចាំថ្ងៃមានចំនួន ៥,៣៦៤នាក់៕