សមត្ថកិច្ចឃាត់ខ្លួនបានហើយ ជនដៃដល់សម្លាបជនរងគ្រោះបំបិទមាត់ ពាក់ព័ន្ធការខ្ចីលុយជាង១ម៉ឺនដុល្លារ
កំពង់ស្ពឺ ៖ ដោយមានការដឹកនាំពីឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, លោកឧត្តសេនីយ៍ត្រី ជាវ វិបុល អនុប្រធាន, ស្នងការនគរបាលខេត្តកំពង់ស្ពឺ ឧត្តមសេនីយ៍ទោ សម សាមួន, លោកស្នងការរង សោម បូរ៉ា និងមានការសម្របសម្រួលពីលោកជំទាវព្រះរាជអាជ្ញា និងការិយាល័យនគរបាលព្រហ្មទណ្ឌកម្រិតធ្ងន់ បានសហការជាមួយនគរបាលស្រុកសំរោងទង ឃាត់ខ្លួនជនសង្ស័យឈ្មោះ ខូវ លីហាក់ ភេទប្រុស អាយុ២៨ឆ្នាំ នៅភូមិត្រស់សាលា សង្កាត់ស្វាយក្រវាន់ ក្រុងច្បារមន ខេត្តកំពង់ស្ពឺ ។
សមត្ថកិច្ចបានឲ្យដឹងថា កាលពីខែឧសភា ឆ្នាំ២០២០ ជនរងគ្រោះឈ្មោះ ជុំ ចន្ធូ ភេទស្រី អាយុ២៤ឆ្នាំ ក្រោយពីប្តីបានស្លាប់ គាត់បានពឹងពាក់ជនសង្ស័យឲ្យជួយលក់រថយន្តប្រភេទបែនក្នុងតម្លៃ១៩០០០ដុល្លារ ហើយជនសង្ស័យបានយកលុយពីការលក់ឡាននោះចំនួន១២.០០០ដុល្លារទិញម៉ូតូ១គ្រឿង ដោយចង់សម្លាប់ជនរងគ្រោះបំបិតមាត់ ។
សមត្ថកិច្ចបន្តថា រហូតដល់ថ្ងៃទី២៦ ខែកក្កដា ឆ្នាំ២០២០ ជនសង្ស័យបានទូរស័ព្ទបបួលជនងគ្រោះទៅដើរលេងនៅព្រៃភ្នំទទឹង ភូមិអន្លង់ស្នោ ហើយវាយសម្លាប់យកខ្សែចង.ក ដោយបានបំភ័ន្តសមត្ថកិច្ច ព្រមទាំងយកម៉ូតូ និងគ្រឿងអលង្ការរត់គេខ្លួន ។ ទើបនៅថ្ងៃទី២៧ ខែកក្កដា ឆ្នាំ២០២០ សមត្ថកិច្ចស្រាវជ្រាវឈានទៅឃាត់ខ្លួនជនដៃដល់បាន ដើម្បីអនុវត្តតាមនីតិវិធី ៕
