កម្លាំងព្រហ្មទណ្ឌខណ្ឌច្បារអំពៅ បង្រ្កាបមុខសញ្ញា កាច់កម៉ូតូនិងជួញដូរគ្រឿងញៀន

ភ្នំពេញ : កម្លាំងនគរបាលបង្រ្កាបជនសង្ស័យមុខសញ្ញាលួចនិងជួញដូរគ្រឿងញៀនយ៉ាងសកម្មបានចំនួន២នាក់និងថ្នាំញៀន២កញ្ចប់ថង់ធំល្មមដកហូតបានម៉ូតូចំនួន២គ្រឿងយកមកសាកសួរនាំក្រោយពីលួចម៉ូតូជនរងគ្រោះបានរយះពេល៤ម៉ោងហេតុការនេះកើតឡើង កាលវេលាម៉ោង២រសៀលថ្ងៃទី០៩ ខែ សីហា ឆ្នាំ ២០២០នៅមុខផ្ទះគ្មានលេខ ភូមិតាងៅក្រោម សង្កាត់និរោធ ខណ្ឌច្បារអំពៅ ។

ជនរងគ្រោះឈ្មោះចាន់ សុខបញ្ញា ភេទ ប្រុស អាយុ២៩ឆ្នាំ ជនជាតិខ្មែរ មុខរបរ បុគ្គលិកធនាគារអេស៊ីលីដា ស្នាក់នៅផ្ទះលេខ៥៩ ផ្លូវ៦៤០ ភូមិដើមអំពិល សង្កាត់ ច្បារអំពៅ១ ។

ឈ្មោះ ធី អូន ភេទប្រុស អាយុ៣៥ឆ្នាំ ជាតិខ្មែរ មុខរបរគ្មាន ស្នាក់នៅបន្ទប់ជួល ភូមិ ចំពុះក្អែក សង្កាត់ព្រែកថ្មី ខណ្ឌច្បារអំពៅ។
២-ឈ្មោះសាន សុខនី ភេទប្រុស អាយុ៣៤ ឆ្នាំ ជាតិខ្មែរ មុខរបរ-ស្នាក់នៅ មិនពិតប្រាកដ។

លោក គាន់ ឌីណា អធិការរងទទួលផែនព្រហ្មទណ្ឌខណ្ឌច្បារអំពៅបានអោយដឹងថាមុនកើតហេតុ ជនរង គ្រោះទុកម៉ូតូម៉ាកហុងដាសេ១២៥ ពណ៌ខ្មៅ ផ្លាកលេខ ព្រះសីហនុ ១G-៤៣៥៤ នៅចំណុច កើតហេតុ ដោយពុំបានចាក់សោកម៉ូតូទេ រួចចូលក្នុងផ្ទះបងប្អូន ស្រាប់តែមានជនសង្ស័យ ០២នាក់ ឈ្មោះ ធី អូន និងឈ្មោះសាន សុនី ជិះម៉ូតូម៉ាកស្កូបពី ពណ៌ស ផ្លាកលេខ ភ្នំពេញ ១ID-២៨៣៩ មកឈប់ជិត រួចធ្វើសកម្មភាព លួចម៉ូតូជនរងគ្រោះជិះគេចខ្លួន ដោយជនសង្ស័យឈ្មោះសាន សុនី ជាអ្នកជិះយកទៅលក់ឲ្យឈ្មោះថា ប្រើទូរស័ព្ទលេខ ០១០ ៥២៤១៣៦ នៅតាមផ្លូវជាតិលេខ៣ បានលុយ៣០០ដុល្លារ រួចយកឲ្យជនសង្ស័យ ឈ្មោះធី អូន ១០០ដុល្លារ។ លុះដល់ម៉ោង១២ និង០០នាទី ថ្ងៃដដែល សមត្ថកិច្ចយើងឃាត់ខ្លួនជនសង្ស័យឈ្មោះធី អូន នៅបន្ទប់ជួល ភូមិ ចំពុះក្អែក សង្កាត់ព្រែកថ្មី ខណ្ឌច្បារអំពៅ និងធ្វើការឆែកឆេរ ដកហូតបាន៖ ម៉ូតូ០២គ្រឿង (០១គ្រឿងម៉ាកស្កូបពី ជិះធ្វើសកម្មភាព) និង០១គ្រឿងទៀតម៉ាក សេ១២៥ ពណ៌ខ្មៅ ផ្លាកលេខ ភ្នំពេញ ១IG ៧៦៧៨,ក្រាមពណ៌សថ្លា(សង្ស័យគ្រឿងញឿន) ០២កញ្ចប់ថង់ធំល្មម, ទូរស័ព្ទដៃ០១គ្រឿងម៉ាកសាមសុង លុយ១០០ដុល្លារ, បណ្ណសំគាល់ទោចក្រយាន យន្ត០១សន្លឹក, ទួណឺវ៉ីស០៤,កូនសោលេខ ១៤ចំនួន០៤, ដែកឆាបចុងស្រួច០១, កូនសោម៉ូតូ០១ និងឧបករណ៍ជក់គ្រឿងញៀន ០១កំប្លេ។ បន្ទាប់មកសមត្ថកិច្ចនគរបាលខណ្ឌ ច្បារអំពៅ សហការណ៍ជាមួយនគរបាលក្រុងតាខ្មៅ ខេត្តកណ្តាល ឃាត់ខ្លួនជនសង្ស័យម្នាក់ទៀតឈ្មោះសាន សុនី នៅផ្ទះសំណាក់ឡាលីន (បន្ទប់លេខ១០១) ក្រុងតាខ្មៅ ខេត្តកណ្តាល ដកហូត ទូរស័ព្ទដៃ០១គ្រឿង ម៉ាកសូនី ពណ៌ខ្មៅ, លុយ២០០ដុល្លារ និងកូនសោខ្សៀលេខ៨ចំនួន០១ បញ្ជូនមកអធិការ ដ្ឋាននគរបាលខណ្ឌច្បារអំពៅ ចាត់ការបន្ត។ បច្ចប្បន្នជនសង្ស័យទាំង០២នាក់ ធ្លាប់ប្រើប្រាស់គ្រឿងញៀននិងកសាងសំណុំរឿងបញ្ជូលទៅកាន់តុលាការដើម្បីចាត់ការតាមផ្លូវច្បាប់ ។