បង្រ្កាបករណីលួចគោប្រជាពលរដ្ឋ
ភ្នំពេញ៖ កាលពីថ្ងៃទី១១ ខែសីហា ឆ្នាំ២០២០ វេលាម៉ោង ០៧:៣០នាទី ជនរងគ្រោះបានដឹកគោយកទៅចងនៅខាងលិចភូមិស្នួលខ្ពស់ សង្កាត់កំបូល ខណ្ឌកំបូល រួចត្រឡប់មកផ្ទះវិញ រហូតដល់ម៉ោង១៣:៣០នាទី មានជនសង្ស័យចំនួន០៣នាក់ បានជិះម៉ូតូមួយគ្រឿងម៉ាក Air Blade ពណ៌ស លាយក្រហម គ្មានស្លាកលេខ បានធ្វើសកម្មភាពលួចគោរបស់ជនរងគ្រោះ ដឹកកាត់តាមភូមិចំការស្បែង សង្កាត់សំរោងក្រោម ខណ្ឌពោធិ៍សែនជ័យ ដោយមានការសង្ស័យនគរបាលប៉ុស្ដិ៍សំរោងក្រោមបានឃាត់សួរនាំ ហើយជនសង្ស័យឈ្មោះ ជ្រុន ភាស់ បានសារភាពថាខ្លួន និងបក្សពួកចំនួនពីរនាក់ទៀតពិតជាបានលួចគោរបស់ជនរងគ្រោះនៅភូមិស្នួលខ្ពស់ សង្កាត់កំបូល ខណ្ឌកំបូល ប្រាកដមែន ក្រោយទទួលបានព័ត៌មានពីនគរបាលប៉ុស្ដិ៍សំរោងក្រោម កលាំងប៉ុស្ដិ៍កំបូល កលាំងជំនាញ បានសហការស្រាវជ្រាវឈានដល់ការឃាត់ខ្លួនជនសង្ស័យជាបក្សពួកចំនួន០២នាក់ទៀត នៅចំនុចបន្ទប់ជួល ភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ យកមកប៉ុស្ដិ៍នគរបាលរដ្ឋបាលកំបូល។
ជនសង្ស័យ ០៣នាក់៖ ទី១ ឈ្មោះ ជ្រុន ភាស់ ភេទប្រុស អាយុ ៣២ឆ្នាំ មុខរបប មិនពិតប្រាកដ ស្នាក់នៅភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ។ ទី២ ឈ្មោះ ផេង ហ៊ុយ ភេទប្រុស អាយុ ២៥ឆ្នាំ មុខរបរ មិនពិតប្រាកដ ស្នាក់នៅបន្ទាប់ជួល ភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ។ ទី៣ ឈ្មោះ ម៉ាន់ ឈឹម ភេទប្រុស អាយុ ៣៣ឆ្នាំ មុខរបរ មិនពិតប្រាកដ ស្នាក់នៅបន្ទាប់ជួល ភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ។
បច្ចុប្បន្នជនសង្ស័យទាំង ០៣នាក់ខាងលើ ត្រូវបានកម្លាំងជំនាញនៃអធិការដ្ឋាននគរបាលខណ្ឌកំបូល កសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការតាមនីតិវិធីច្បាប់
ចំនែកសត្វគោត្រូវបានប្រគល់ជូនម្ចាស់ដើមវិញ៕
